Gold Price Today : గుడ్ న్యూస్.. పసిడి ధరలు తగ్గాయోచ్.. ఎంత తగ్గాయో తెలుసా?
ఈరోజు దేశంలో బంగారం ధరలు భారీగా తగ్గాయి. వెండి ధరలు స్వల్పంగా తగ్గాయి.
బంగారం ధరలు నిత్యం మారుతుంటాయి. ధరల్లో హెచ్చుతగ్గుదల బంగారం విషయంలోనే మనం నిత్యం చూస్తుంటాం. ప్రతి రోజూ ధరల్లో మార్పులు రావడం ఒక్క బంగారం విషయంలోనే జరుగుతుంది. అనేక కారణాలతో బంగారం ధరలు పెరుగుతుంటాయి. తగ్గుతుంటాయి. అందుకే బంగారం ఎప్పుడు కొనుగోలు చేయాలనిపిస్తే అప్పుడు కొనుగోలు చేయడం మంచిదని వ్యాపారులు చెబుతుంటారు. తర్వాత ధరలు పెరిగాయని బాధపడేకన్నా తగ్గినప్పుడే కొనుగోలు చేయడం మంచి అలవాటు అని చెబుతున్నారు. అందులోనూ మహిళలు ఎక్కువగా ఇష్టపడే బంగారం ఎప్పుడూ ధరలు తగ్గవు. అరుదుగానే తగ్గుతుంటాయి. అందుకే కొనుగోలు చేయదలచుకున్న వారు అనుకున్న టైంలోనే కొనుగోలు చేయడం మంచిదన్న సూచనలు వెలువడుతున్నాయి.
కొత్త ఏడాదిలో...
కొత్త ఏడాది ప్రారంభం కానుండటంతో ఇక వచ్చే ఏడాది బంగారం ధరలు మరింత పెరుగుతాయని మార్కెట్ నిపుణులు చెబుతున్నారు. ధరలు భారీగా పెరిగే అవకాశముందని కూడా చెబుతున్నారు. అమెరికాలో అధ్యక్షుడిగా డొనాల్డ్ ట్రంప్ బాధ్యతల స్వీకరణ, అంతర్జాతీయ మార్కెట్ లో ధరల ఒడిదుడుకులు, ద్రవ్యోల్బణం, డాలర్ తో రూపాయి తగ్గుదల, విదేశాల్లో నెలకొన్న మాంద్యం, ద్రవ్యోల్బణం వంటి కారణాలతో భారీ మార్పులు బంగారం విషయంలో చోటు చేసుకుంటాయన్న అంచనాలు వినిపిస్తున్నాయి. అందుకే కొనుగోలు చేయాలని ఆసక్తి ఉన్న వారు మాత్రం ఈ నెలలోనే కొనుగోలు చేయడం మంచిదని చెబుతున్నారు. ప్రపంచ వ్యాప్తంగా బంగారానికి మరింత డిమాండ్ పెరిగే అవకాశముందని అంటున్నారు.
ధరలు ఇలా...
అదే సమయంలో దక్షిణ భారత దేశంలో బంగారం, వెండి కి గిరాకీ ఎక్కువ కావడం తో పాటు తరుగు, జీఎస్టీ వంటి పన్నులతో మరింత ధరలు పెరుగుతాయని కూడా చెబుతున్నారు. పెళ్లిళ్ల సీజన్ నడుస్తుండటంతో ధరలు ఇంకా పెరిగే అవకాశముందని కూడా చెబుతున్నారు. అయితే ఈరోజు దేశంలో బంగారం ధరలు భారీగా తగ్గాయి. వెండి ధరలు స్వల్పంగా తగ్గాయి. పది గ్రాముల బంగారం ధరపై 600 రూపాయలు తగ్గింది. కిలో వెండి ధరపై 900 రూపాయల వరకూ తగ్గింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 71,000 రూపాయలకు చేరుకుంది. 24 క్యారెట్ల పది గ్రాముల బంగారం ధర 77,450 రూపాయలుగా నమోదయింది. కిలో వెండి ధర 99,000 రూపాయలుగా ట్రెండ్ అవుతుంది.
ఇప్పుడు Desh Telugu Keyboard యాప్ సహాయంతో మీ ప్రియమైన వారికి తెలుగులో సులభంగా మెసేజ్ చెయ్యండి. Desh Telugu Keyboard and Download The App Now