Gold Rates : పసిడి ధరలు ఈరోజు ఎలా ఉన్నాయంటే... గుడ్ న్యూస్ అనే చెప్పాలి

బంగారం ధరలు ఎప్పుడు పెరుగుతాయో తెలియని పరిస్థితుల్లో తమ వద్ద డబ్బులున్నప్పుడు వెంటనే కొనుగోలు చేయడం అలవాటుగా మార్చుకున్నారు. పెట్టుబడిగా కూడా పసిడిని అనేక మంది భావిస్తుండటం కూడా గిరాకీ పెరగడానికి కారణం. బంగారం తమ వద్ద ఉంటే భద్రత ఉంటుందని, భరోసా లభిస్తుందని భావించి ఎక్కువ మంది బంగారంపైనే తమ సొమ్ములు వెచ్చిస్తున్నారు. కరోనా కష్టకాలంలో ఉపాధి కోల్పోయినప్పుడు ఆదుకున్నది బంగారమేనని చాలా మంది చెబుతున్నారు.

ఈరోజు బంగారం ధరలు స్థిరంగా ఉన్నాయి. వెండి ధరలు కూడా నిలకడగా కొనసాగుతున్నాయి. ధరల్లో హెచ్చు తగ్గులు లేకపోవడం కూడా కొనుగోలు చేయాలనుకునే వారికి శుభవార్త అనే చెప్పాలి. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 56,800 రూపాయలుగా కొనసాగుతుంది. 24 క్యారెట్ల పది గ్రాముల బంగారం ధర 61,970 రూపాయలుగా ఉందని మార్కెట్ లెక్కలు చెబుతున్నాయి. కిలో వెండి ధర మాత్రం 79,200 రూపాయల వద్ద ట్రెండ్ అవుతుంది.