Gold Price Today : వామ్మో.. బంగారం ధరలు ఇలా పెరుగుతుంటే ఇక కొనేదెలా?

పది గ్రాముల బంగారం ధర ఎనభై వేల రూపాయలు దాటేసింది. కిలో వెండి ధర లక్ష పది వేల రూపాయలను మించిపోయింది. పసిడి ధరలను ఇక పట్టుకోలేమోనంతగా పెరిగిపోతుంది. పెళ్లిళ్ల సీజన్ ఆరంభం కావడంతో పాటు మంచి ముహూర్తాలు మొదలు కావడంతో ఇక బంగారం, వెండి ధరలు సామాన్యులకు అందుబాటులో ఉండే అవకాశం లేదు. భవిష్యత్ లో లక్ష రూపాయలకు బంగారం చేరుకున్నా ఆశ్చర్యపోవాల్సిన పనిలేదు. అదే సమయంలో ఇక వెండి ధరలు కూడా అమాంతం పెరిగి వినియోగదారులకు దానికీ దూరం చేసేలా ఉన్నాయి. అందుకే భవిష్యత్ లో పసిడి, వెండికి సామాన్యులు, మధ్యతరగతి ప్రజలు ప్రత్యామ్నాయం చూసుకోవాల్సిందే.

ఈరోజు దేశంలో బంగారం ధరలు పెరిగాయి. వెండి ధరలు కూడా పెరిగాయి. పది గ్రాముల బంగారం ధర ఎనభై వేల రూపాయలకు చేరుకుంది. కిలో వెండి ధర లక్ష పది వేల రూపాయలు దాటేసింది. హైదరాబాద్ బులియన్ మార్కెట్ లో బంగారం, వెండి ధరలు ఇలా ఉన్నాయి. 22 క్యారెట్ల పది గ్రాముల బంగారం ధర 79,640 రూపాయలుగా నమోదయింది. 24 క్యారెట్ల పది గ్రాముల బంగారం ధర 80,610 రూపాయలుగా కొనసాగుతుంది. కిలో వెండి ధర 1,10,100 రూపాయలుగా ట్రెండ్ అవతుంది.