వాట్సాప్‌లో AI స్టిక్కర్‌లను సృష్టించడం, పంపడం ఎలా?

వాట్సాప్‌.. దీని గురించి తెలియనివారంటూ ఉండరు. ప్రతి ఒక్కరి ఫోన్‌లో ఉండాల్సిందే. చిన్నారుల నుంచి పెద్దల వరకు వాట్సాప్‌ ఉపయోగించని వారుండరు. ఉదయం లేచింది నుంచి రాత్రి పడుకోబోయే వరకు వాట్సాప్‌లో మునిగి తేలుతుంటారు. వాట్సాప్‌ అనేది ఈ రోజుల్లో ప్రతి ఒక్కరి జీవితంలో భాగమైపోయింది. అయితే ఈ రోజుల్లో వాట్సాప్‌ వినియోగం విపరీతంగా పెరిగిపోయింది. యూజర్లను దృష్టిలో ఉంచుకుని వాట్సాప్‌ సంస్థ కొత్త కొత్త ఫీచర్లను అందుబాటులోకి తీసుకువస్తుంటుంది. ఇప్పుడు మరో ఫీచర్‌ కూడా ఉంది. ఫేస్‌బుక్‌ మాతృ సంస్థ Meta ఇటీవల తన అన్ని సోషల్ మీడియా యాప్‌ల కోసం AI ఫీచర్‌ను ప్రారంభించింది. ఆ తర్వాత ఈ ఫీచర్ సహాయంతో మీరు వాట్సాప్‌లో ఆర్టిఫిషియల్ ఇంటెలిజెన్స్ (AI) స్టిక్కర్‌లను సృష్టించవచ్చు.. పంపవచ్చు కూడా. ఆ తర్వాత వాట్సాప్‌లో సంభాషణ శైలి మారుతుంది.

అలాగే మీరు ఏ సందేశానికైనా మునుపటి కంటే మెరుగైన రీతిలో రిప్లై ఇవ్వవచ్చు. వాట్సాప్‌ తన వినియోగదారుల కోసం ఈ AI స్టిక్కర్‌ను విడుదల చేసింది. ఆ తర్వాత మీరు మీ స్వంత స్టిక్కర్‌లను సృష్టించ్చి మీ వాట్సాప్‌ సహాయంతో వాటిని మీ వాట్సాప్‌ మిత్రులకు పంపవచ్చు. వాట్సాప్‌ ఈ ఫీచర్‌లో Meta AI ఫీచర్ ఉపయోగించడం జరుగుతుంది. మీరు ఎవరికైనా AI స్టిక్కర్‌ని పంపిన తర్వాత మీ AI స్టిక్కర్ వాట్సాప్ స్టిక్కర్ ట్రేలో స్వయంచాలకంగా కనిపిస్తుంది. అలాగే మీరు దాన్ని మళ్లీ మరొకరికి పంపవచ్చు.