వందే భారత్‌కు కొత్త రూపం.. తక్కువ ఛార్జీలతో కొత్త ట్రైన్‌
సామాన్య ప్రజల కోసం వందే భారత్ ఆర్డినరీ రైలును నడపడానికి భారతీయ రైల్వే పూర్తి స్థాయిలో సన్నాహాలు చేస్తోంది..
సామాన్య ప్రజల కోసం వందే భారత్ ఆర్డినరీ రైలును నడపడానికి భారతీయ రైల్వే పూర్తి స్థాయిలో సన్నాహాలు చేస్తోంది. సాధారణ ప్రజలను దృష్టిలో ఉంచుకుని ఈ రైలును నడపడానికి నిర్ణయం తీసుకుంది. ప్రస్తుతం దాని కోచ్‌లను తయారు చేస్తున్నారు. మీడియా నివేదికల ప్రకారం.. ఈ రైలు ఛార్జీ వందే భారత్ రైలు కంటే తక్కువగా ఉంటుంది. అధిక ఛార్జీల కారణంగా చాలా మంది ఈ రైలులో ప్రయాణించలేకపోయారని రైల్వే తెలిపింది. దీన్ని దృష్టిలో ఉంచుకుని రైల్వే 'వందే సాధారణ్‌'ను అమలు చేయాలని నిర్ణయించింది.
కోచ్ తయారీ ప్రక్రియ ప్రారంభం
అందిన సమాచారం ప్రకారం.. ఈ రైలు కోసం కోచ్‌లను తయారు చేసే ప్రక్రియ కొనసాగుతోంది. ఈ రైలు కోచ్‌లను చెన్నైలోని ఇంటిగ్రల్ కోచ్ ఫ్యాక్టరీ (ICF)లో తయారు చేస్తున్నారు. ఇది త్వరలో ఈ రైళ్లు తయారు కానున్నాయి. కొన్ని నెలల్లో సిద్ధంగా కానున్నాయి ఈ వందే భారత్. వందే భారత్ ఆర్డినరీ రైలులో 24 ఎల్‌హెచ్‌బి కోచ్‌లను ఏర్పాటు చేయనున్నారు. బయో వాక్యూమ్ టాయిలెట్స్, ప్యాసింజర్ ఇన్ఫర్మేషన్ సిస్టమ్, ఛార్జింగ్ పాయింట్స్ వంటి ఫీచర్లను రూపొందించనున్నారు. దీంతో పాటు రైలులో సీసీ కెమెరాలను ఏర్పాటు చేయనున్నారు. ఇది కాకుండా ఆటోమేటిక్ డోర్ సిస్టమ్ సౌకర్యం కూడా అందుబాటులో ఉంటుంది. ఈ రైళ్లలో అత్యంత ప్రత్యేకత ఏమిటంటే వాటి వేగం మెయిల్ ఎక్స్‌ప్రెస్ కంటే ఎక్కువగా ఉంటుంది. దీనితో పాటు స్టాపేజ్‌లు కూడా తక్కువగా ఉంటాయి. దీంతోపాటు ఆటోమేటిక్ డోర్ల సదుపాయం కూడా అందుబాటులోకి రానుంది.
రైల్వే మంత్రిత్వ శాఖ అధికారి సమాచారం
రైల్వే మంత్రిత్వ శాఖ అధికారి ఒకరు మాట్లాడుతూ.. వందే భారత్, సాధారణ వందే భారత్ రైలు మధ్య వ్యత్యాసాన్ని అర్థం చేసుకోవడం చాలా ముఖ్యం. ఈ రైలు కూడా శతాబ్ది, జన శతాబ్ది లాగా ఉంటుంది. శతాబ్ది రైలు ప్రారంభించినప్పుడు దాని ఛార్జీలు ఎక్కువగా ఉన్నాయి. కానీ సాధారణ ప్రజల కోసం రైల్వే జన శతాబ్ది రైలును ప్రారంభించింది. దీని ఛార్జీలు తక్కువగా ఉన్నాయి.
ఛార్జీలు ఎంత ఉంటాయి..?
పేద ప్రజల కోసం రైల్వే ఈ రైలును తయారు చేసిందని, తద్వారా పేద ప్రయాణికులు కూడా వందే భారత్ రైలులో ప్రయాణించవచ్చని రైల్వే చెబుతోంది. దీనితో పాటు ఈ వ్యక్తులు కూడా రైలులో అన్ని సౌకర్యాలను పొందవచ్చు. ఈ రైలు ఛార్జీ వందే భారత్ ఎక్స్‌ప్రెస్ కంటే చాలా తక్కువగా ఉంటుంది. ప్రస్తుతానికి ఛార్జీల గురించి ఇంకా అధికారిక సమాచారం రాలేదు. సామాన్యుల కోసం మాత్రమే ప్రత్యేకంగా వందే భారత్ రైలును తయారు చేస్తున్నారు.