నీతా అంబానీ రాజీనామాకు ఆమోదం

రిలయన్స్ ఇండస్ట్రీస్ అధినేత ముఖేశ్ అంబానీ సతీమణి నీతా అంబానీ కంపెనీ బోర్డు నుండి తప్పుకున్నారు. ఇప్పటి వరకు ఆమె బోర్డులో డైరెక్టర్‌గా ఉన్నారు. వారి పిల్లలు ఇషా, ఆకాశ్, అనంత్ అంబానీలు బోర్డులోకి వస్తుండటంతో ఆమె తప్పుకున్నట్లు తెలుస్తోంది. సంస్థ‌లో ఈ ముగ్గుర్నీ నాన్ ఎగ్జిక్యూటివ్ డైరెక్ట‌ర్లుగా నియ‌మించ‌నున్నారు. 46వ వార్షిక సాధారణ స‌మావేశాలలో ముఖేశ్ అంబానీ మాట్లాడుతూ.. ఈ నియామ‌కంపై నిర్ణ‌యం తీసుకోవాల‌ని బోర్డ్ ఆఫ్ డైరెక్ట‌ర్లను కోరారు. షేర్ హోల్డ‌ర్ల నుంచి ఈ అంశం పెండింగ్‌లో ఉంది. కొన్నేళ్లుగా ఇషా, ఆకాశ్, అనంత్ ముగ్గురు వ్యాపారాలను చూసుకుంటున్నారు. రిటైల్, డిజిట‌ల్ స‌ర్వీసులు వంటి వ్యాపారాన్ని చూసుకుంటున్నారు. రిల‌య‌న్స్ అనుబంధ‌ కంపెనీల బోర్డుల్లోనూ వీరు ఉన్నారు. ఇప్పుడు వీరు బోర్డులోకి వస్తున్న నేపథ్యంలో నీతా రాజీనామాను డైరెక్ట‌ర్లు అంగీక‌రించారు. అయితే అన్ని బోర్డు మీటింగ్‌ల‌కు ఆమె ఓ పర్మనెంట్ ఇన్వైటీగా హాజరవుతారు.