జియో నుంచి ఎయిర్‌ ఫైబర్‌.. దీని ప్లాన్‌ వివరాలు ఏమిటి?

రిలయన్స్‌ జియో.. టెలికం రంగంలో ఓ సంచలనం సృష్టిస్తోంది. వినియోగదారులకు అనుగుణంగా ప్లాన్స్‌ను రూపొందిస్తూ కస్టమర్లను మరింతగా ఆకట్టుకుంటోంది. ఇప్పటికే చాలా రకాలు రీఛార్జ్‌ ప్లాన్స్‌, ఇంటర్నెట్‌, టీవీఛానల్స్‌కు సంబంధించిన సరికొత్త ప్లాన్స్‌ను రూపొందిస్తోంది. ప్రతినెల జియో తన కస్టమర్లను మరింతగా పెంచుకుంటూ ఇతర టెలికం కంపెనీలను వెనక్కి నెట్టేస్తోంది. తాజాగా మరో సర్వీసును అందుబాటులోకి తీసుకువచ్చింది. ముందుగా ప్రకటించినట్లుగానే రిలయన్స్ జియో గణేష్ చతుర్థి సందర్భంగా జియో ఎయిర్‌ఫైబర్ సర్వీస్‌ను ఆవిష్కరించింది. ప్రస్తుతం జియో తన ఎయిర్‌ఫైబర్ సేవలను బెంగళూరుతో సహా ఎనిమిది నగరాల్లో ప్రారంభించింది. Jio AirFiber ప్రస్తుతం బెంగళూరు, చెన్నై, ఢిల్లీ, హైదరాబాద్, కోల్‌కతా, ముంబై, పూణేలలో అందుబాటులో ఉంది. జియో ఎయిర్‌ఫైబర్‌లో నెలకు రూ. 599 నుంచి రూ. 3,999 వరకు వివిధ ప్లాన్‌లు అందిస్తోంది జియో. JioFiberలో లభించే చాలా ఫీచర్లు AirFiberలో కూడా అందుబాటులో ఉన్నాయి. 1 GB వరకు వేగవంతమైన ఇంటర్నెట్ వేగాన్ని పొందవచ్చు.