అదిరిపోయే ఫీచర్‌.. ఒకే వాట్సాప్‌లో 4,5 అకౌంట్లు.. ఎలా!

మెటా యాజమాన్యంలోని ప్రముఖ మెసేజింగ్ అప్లికేషన్ వాట్సాప్ వినియోగదారుల సౌకర్యార్థం ఒకదాని తర్వాత ఒకటి ఆకర్షణీయమైన ఫీచర్లను విడుదల చేస్తోంది. అనేక కొత్త ఎంపికలు ఇప్పటికే పరీక్ష దశలో ఉన్నాయి అలాగే త్వరలో వినియోగదారులకు అందుబాటులోకి రానున్నాయి. ఇదిలా ఉంటే, వాట్సాప్ మరో ఉపయోగకరమైన ఫీచర్‌తో ముందుకు వస్తోంది. ఇప్పుడు మీరు ఈ కొత్త ఫీచర్ ద్వారా ఒకే వాట్సాప్‌లో వేర్వేరు ఖాతాలను ఉపయోగించుకునే సదుపాయం రానుంది. త్వరలో వాట్సాప్ తన వినియోగదారులకు ఈ ఆప్షన్‌ను అందించనున్నట్లు సమాచారం.

సరళంగా చెప్పాలంటే, ఈ కొత్త ఫీచర్‌తో ఒకే వాట్సాప్ అప్లికేషన్‌లో ఎక్కువ వాట్సాప్ ఖాతాలను స్విచ్ తరహాలో తెరవవచ్చు. ఈ ఎంపిక ఇప్పటికే Instagram, Facebookలో అందుబాటులో ఉంది. ప్రస్తుతం వాట్సాప్ వినియోగదారులను ఒక మొబైల్‌లో ఒక ఖాతాతో మాత్రమే లాగిన్ చేయడానికి అనుమతిస్తుంది. అందుకే వేర్వేరు ఫోన్ నంబర్‌లతో రెండు WhatsApp ఖాతాలను ఉపయోగించే వినియోగదారులు రెండు మొబైల్‌లను ఉపయోగించాలి. ఈ ఫీచర్ ప్రస్తుతం కొంతమంది బీటా టెస్టర్‌లకు అందుబాటులో ఉంది. రాబోయే వారాల్లో మరింత మంది వినియోగదారులకు అందుబాటులోకి వస్తుందని నివేదికలు తెలిపాయి. ఆండ్రాయిడ్ వెర్షన్ 2.23.17.8 కోసం WhatsApp బీటా అప్‌డేట్ చేయబడితే ఈ ఎంపిక అందుబాటులో ఉంటుంది. అయితే కొంతమంది వినియోగదారులు ఈ ఫీచర్‌ని మునుపటి వెర్షన్ 2.23.17.7లో ఉపయోగించవచ్చు.