నగరం నడిబొడ్డున.. యువతిపై ప్రేమోన్మాది దాడి

నార్సింగి టీ గ్రీల్ హోటల్ వద్దకు యువతిని పిలిచిన గణేశ్.. పెళ్లి చేసుకోవాలని ఒత్తిడి చేశాడు. అందుకు ఆమె నిరాకరించడంతో కోపంతో రగిలిపోయాడు. బ్యాగ్ లో ఉన్న కత్తితో బెదిరించాడు. యువతిపై కత్తితో దాడి చేయడంతో ఆమెకు తీవ్రగాయాలయ్యాయి. వెంటనే గణేషే ఆమెను స్థానికులతో కలిసి ఆసుపత్రికి తరలించారు. సమాచారం అందుకున్న పోలీసులు గణేష్ ను అదుపులోకి తీసుకున్నారు. యువతిని వాసవిగా గుర్తించారు. గణేష్, వాసవి లు ఏపీలోని పిడుగురాళ్లకు చెందినవారిగా గుర్తించారు. అయితే.. ఇద్దరూ ప్రేమించుకుంటే పెద్దలు నిరాకరించడంతో ఇలా చేశాడా ? లేక వాసవిని వేధించాడా ? అన్న విషయాలు తెలియాల్సి ఉంది.