గేట్ కాలేజీ యజమానిపై సుపారీ గ్యాంగ్ అటాక్

కోదాడ గేట్ ఇంజనీరింగ్ కాలేజీ ఓనర్ బుడ్డే కాంతారావును హత్య చేసేందుకు కాలేజీ భాగస్వాములు సుపారీ ఇచ్చారు. హత్య కోసం రూ.50 లక్షలు ఇచ్చేందుకు సుపారీ గ్యాంగ్ తో ఒప్పందం కుదుర్చుకున్నారు. గేట్ కాలేజీ భాగస్వాములు ముందుగా ఐదు లక్షల రూపాయలు చెల్లించారు. కాంతారావు ప్రయాణిస్తున్న కారును డీసీఎంతో ఢీ కొట్టాలని ప్లాన్ చేశారు. మద్దెల చెరువు వద్ద కాంతారావు కారును ఢీకొట్టేందుకు సిఫారీ గ్యాంగ్ యత్నించారు. కాంతారావు తప్పించుకుని వెళ్లిపోయారు. ఆ తర్వాత మరోసారి కోదాడ పట్టణంలో కాంతారావు కారును డీసీఎంతో ఢీకొట్టారు. అప్పుడు స్వల్ప గాయాలతో కాంతారావు బయటపడ్డారు. ఆ తర్వాత ఆయన వెంటనే పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. 12 మంది గ్యాంగ్ సభ్యులను అదుపులోకి తీసుకున్నారు.