వివాహితకు సాఫ్ట్ వేర్ వేధింపులు.. బ్లేడుతో దాడి

విశాఖ జిల్లా సింహాచలంలో జరిగిన ఈ ఘటన తాలూకు వివరాలిలా ఉన్నాయి. సాఫ్ట్ వేర్ ఉద్యోగి అయిన చంద్రశేఖర్.. ఓ వివాహితను వేధిస్తున్నాడు. "నిన్ను ప్రేమిస్తున్నాను. నీ భర్తను వదిలి నాతో వచ్చేయ్. నాకు గ్యాంగ్ ఉంది, నీ భర్తను చంపించేస్తా." అంటూ వివాహితను వేధించాడు. అతను మాటలను కాదనడంతో.. ఆమెపై కోపం పెంచుకుని అవకాశం చూసి బ్లేడుతో దాడిచేశాడు. బాధితురాలికి తీవ్రగాయమవ్వగా.. వెంటనే ఆస్పత్రికి తరలించారు. గాయాలకు 6 కుట్లు వేసి వైద్యులు చికిత్స చేశారు. పోలీసులు బాధితురాలి ఫిర్యాదు మేరకు కేసు నమోదు చేసి.. నిందితుడి కోసం గాలిస్తున్నారు.