దగ్గుమందు వికటించి ముగ్గురు చిన్నారులు మృతి

దగ్గుమందు వికటించి ముగ్గురు చిన్నారులు మృతి చెందిన ఘటన ఆలస్యంగా వెలుగు చూసింది. నాలుగు నెలల క్రితం ఢిల్లీలోని కళావతి ఆస్పత్రిలో 16 మంది చిన్నారులు అస్వస్థతకు గురయ్యారు. వీరిలో ముగ్గురు చిన్నారుల ఆరోగ్య పరిస్థితి విషమించి మృతి చెందారు. దీనిపై డైరెక్టరేట్ జనరల్ ఆఫ్ హెల్త్ సర్వీసెస్ విచారణ చేపట్టగా.. ఆ కమిటీ సోమవారం రిపోర్టును వెల్లడించింది. దగ్గు మందు వికటించడంతోనే చిన్నారులు అస్వస్థతకు గురైనట్లు తమ విచారణలో తేలిందని అధికారులు తెలిపారు.