తన చావుకు సీఎం జగన్, అధికారులు కారణమంటూ లేఖ

అధికారులు మాత్రం ఇందులో తమ తప్పేమీ లేదని అంటున్నారు. నిబంధనల ప్రకారం మృతుడు తన భూమి విషయంలో మార్పులు చేసుకోలేదని తెలిపారు. తుడుములదిన్నె గ్రామ పరిధిలో సర్వే నంబరు 321/3 కింద 1.54 ఎకరాల పొలం వెబ్‌ల్యాండ్‌లో సుబ్బలక్ష్మమ్మ, భర్త వెంకటస్వామిరెడ్డి పేరు మీద ఉందని కడప ఆర్డీవో ధర్మచంద్రారెడ్డి తెలిపారు. మృతుడు వెంకట సుబ్బారెడ్డితో పాటు మరో ఇద్దరు కుమారులు ఉన్నారు. సదరు భూమి రిజిస్టర్‌ అయ్యే విధంగా చూడాలని స్పందనలో రైతు ఆర్జీ సమర్పించారు. దానిని పరిశీలించిన ఖాజీపేట తహసీల్దారు ఆర్‌ఎస్‌ఆర్‌ ప్రకారం చుక్కల భూమిగా ఉన్నందున.. పట్టా భూమిగా మార్చడానికి అన్నదమ్ములు ఒక అవగాహనతో మీసేవ/ సచివాలయంలో దరఖాస్తు చేసుకోవాల్సిందిగా సూచించినా.. అర్జీదారు దరఖాస్తు చేసుకోలేదని తెలిపారు. తెదేపా నాయకులు వెంకటసుబ్బారెడ్డి మృతదేహానికి నివాళులర్పించి.. కుటుంబ సభ్యులను ఓదార్చారు. రూ.50 వేల ఆర్థిక సాయం అందించారు. మృతుడి కుటుంబానికి ప్రభుత్వం రూ.25 లక్షల పరిహారం అందించాలని డిమాండు చేశారు.