ఫ్యాక్ట్ చెక్: చంద్రబాబు నాయుడు హోం మంత్రి అమిత్ షా పాదాలకు మొక్కలేదు

ఆంధ్రప్రదేశ్‌ రాష్ట్ర అసెంబ్లీ ఎన్నికలకు సమయం దగ్గర పడుతూ ఉంది. మే 2024లోపు అసెంబ్లీ ఎన్నికలు జరగనున్నాయి. పార్టీలు అభ్యర్థులను ప్రకటించడం, పొత్తుల కోసం ప్రయత్నాలు చేస్తూ ఉండడంతో రాష్ట్రంలో రాజకీయ వాతావరణం వేడెక్కింది. తెలుగుదేశం పార్టీ చీఫ్ ఢిల్లీ వెళ్లి భారతీయ జనతా పార్టీ నేతలు అమిత్ షాతో భేటీ అయ్యారు. జనసేన పార్టీతో కలిసి బీజేపీ పొత్తు ఉంటుందని ప్రచారం సాగుతూ ఉంది.

నిజానికి.. చంద్రబాబు నాయుడు అమిత్ షాతో భేటీ అయినప్పటికీ.. సమావేశంలో ఏమి జరిగింది, అందుకు సంబంధించిన ఫోటోలు బయటకు రాలేదు. వైరల్‌ అవుతున్న చిత్రం మాత్రం ఒరిజినల్ కాదు. అది మార్ఫింగ్‌ చేశారని మేము ధృవీకరించాం.