ఫ్యాక్ట్ చెక్: మధ్యయుగ కాలం నుంచి ఉష్ణోగ్రతలు దాదాపు 4 డిగ్రీలు తగ్గాయన్న వాదనలో ఎలాంటి నిజం లేదు.

వైరల్ అవుతున్న వాదనలో ఎలాంటి నిజం లేదు. మధ్యయుగ కాలం నుండి భూమి ఉష్ణోగ్రత 4 డిగ్రీలు తగ్గలేదు.

రాయిటర్స్ నివేదిక ప్రకారం, యూరోపియన్ యూనియన్‌కు చెందిన కోపర్నికస్ క్లైమేట్ చేంజ్ సర్వీస్ (C3S) 1850 నుండి గ్లోబల్ ఉష్ణోగ్రత రికార్డులలో 2023 అత్యంత ఉష్ణోగ్రత కలిగిన సంవత్సరం అని ధృవీకరించింది. సగటు చూస్తే 2023లో భూ గ్రహం1850-1900 ప్రీ ఇండస్ట్రియల్ పీరియడ్ కంటే 1.48 డిగ్రీల సెల్సియస్ వేడిగా ఉంది. 1850-1900 కాలంలో మానవులు భారీ స్థాయిలో శిలాజ ఇంధనాలను కాల్చడం ప్రారంభించారు, కార్బన్ డయాక్సైడ్‌ను వాతావరణంలోకి పంపడం ప్రారంభించారు.

2023 సంవత్సరానికి సంబంధించిన కోపర్నికస్ డేటాను మీరు చూడొచ్చు.

NASA నివేదిక ప్రకారం 1951 నుండి 1980 వరకు ప్రపంచ ఉపరితల ఉష్ణోగ్రతలో మార్పును చూపించే గ్రాఫ్‌ను చూడొచ్చు. 1880లో వాతావరణ మార్పులను రికార్డును చేయడం ప్రారంభమైనప్పటి నుండి 2023లో భూమి సగటు ఉపరితల ఉష్ణోగ్రత రికార్డులో అత్యంత వేడిగా ఉంది. 19వ శతాబ్దం చివరిలో (1850 -1900) నమోదైన ఉష్ణోగ్రత సగటు కంటే 2023లో భూమి ఉష్ణోగ్రత దాదాపు 2.45 డిగ్రీల ఫారెన్‌హీట్‌, 1.36 డిగ్రీల సెల్సియస్ వేడిగా ఉంది.

నేచర్‌లో ప్రచురించిన ఒక అధ్యయనం ప్రకారం గత 24,000 సంవత్సరాల నుండి వాతావరణ మార్పులను పరిశీలిస్తే, హోలోసిన్ నుండి ప్రపంచ ఉష్ణోగ్రతలు కొద్దిగా పెరిగాయని తెలిపింది. ప్రపంచవ్యాప్తంగా ఉష్ణోగ్రతలు క్రమంగా పెరుగుతున్నాయని శాస్త్రీయ అధ్యయనాలు చెబుతున్నాయి. ఫ్రొ. ప్లైమర్, భూగర్భ శాస్త్రవేత్త, ఆయన వాతావరణ మార్పుల గురించి ఎన్నో తప్పుడు విషయాలను షేర్ చేసారు. కొన్ని ఇటువంటి వాదనలను ఫ్యాక్ట్ చెకింగ్ సంస్థలు డిబంక్ చేసాయి.

మధ్యయుగ కాలం నుంచి ఉష్ణోగ్రతలు దాదాపు 4 డిగ్రీలు తగ్గాయన్న వాదనలో ఎలాంటి నిజం లేదు.