సంక్రాంతి రేసు లో సినిమాల పరంగా బాలకృష్ణ - పవన్ కళ్యాణ్ ఇద్దరూ అప్పుడే సిద్దం అయ్యారు. సింహా అనే పవర్ ఫుల్ పొలిటికల్ సినిమా తో బాలయ్య రాబోతూ ఉండగా పవన్ కళ్యాణ్ అజ్ఞాత వాసి అనే ఎమోషనల్ ఫామిలీ డ్రామా తో అడుగు పెట్టబోతున్నాడు. ఈ పరిస్థితి లో సంక్రాంతి రేసులో ఇంకెవరు ఉంటారు అనేది ఆసక్తికరంగా మారింది. సూర్య సినిమా గ్యాంగ్ తో పాటు విశాల్ తన కొత్త సినిమా అభిమన్యుడు తో రంగం లోకి దిగుతాడు అనే న్యూస్ వచ్చింది.
మొన్నటికి మొన్న చాలా కాలం తరవాత తెలుగు లో డిటెక్టివ్ తో హిట్ సాధించాడు హీరో విశాల్. ఇప్పుడు కొత్త డైరెక్టర్ తో అభిమన్యుడు తో సంక్రాంతి కి వచ్చి పవన్ - బాలయ్య లకి షాక్ ఇవ్వాలి అనుకున్నాడు. అయితే ఈ సినిమా లో హీరోయిన్ గా చేస్తున్న సమంత విశాల్ కి ఈ విషయం లో గట్టి వార్నింగ్ ఇచ్చిందట.
తెలుగు నాట పవన్ కళ్యాణ్ - బాలయ్య ల సినిమాల విడుదల కోలాహలం మామూలుగా ఉండదు అనీ అది కూడా సరిగ్గా సంక్రాంతి టైం అంటే ఆ రచ్చ అదిరిపోతుంది అనీ, ఆ టైం లో తమ సినిమా విడుదల చేస్తే థియేటర్ లు దొరకవు సరికదా సినిమా టాక్ ఎంత బాగా వచ్చినా మిగితా రెండు సినిమాల ప్రభావం ముందు తట్టుకోలేము అని, ఆమె గట్టిగా చెప్పేసిందట. దీంతో ఆలోచించుకున్న విశాల్ తన నిర్ణయం వెంటనే వెనక్కి తీసుకున్నాడు అంటున్నారు. సో సంక్రాంతి రేసు లోంచి అభిమన్యుడు దాదాపు తప్పుకున్నట్టే మరి.