ప్రేమం అనే మలయాళం సినిమాతో మలయాళం ప్రేక్షకులకి ఎంత దగ్గర అయ్యిందో, ఫిదా అనే సినిమాతో తెలుగు ప్రేక్షకులకి కూడా అంతే దగ్గర అయ్యింది హీరోయిన్ సాయి పల్లవి. ఆమె తన కెరీర్ ని చాలా జాగ్రత్తగా ఎక్కడా తొందర పడకుండా మలచుకుంటోంది . ప్రస్తుతం నానీ తో MCA - మిడిల్ క్లాస్ అబ్బాయి అనే సినిమాలో నటిస్తోన్న ఆమె ఆ తరవాత శర్వానంద్ తో ఒక సినిమా చెయ్యాల్సి ఉంది.
అయితే ఈ మధ్య లో ఏ ఎల్ విజయ్ డైరెక్షన్ లో కణం అనే సినిమాకి సైన్ చేసింది. నాగ శౌర్య హీరోగా వస్తున్న ఈ సినిమా షూటింగ్ లో సాయి పల్లవి తింగరి పనులు చేస్తోంది అనేది విశ్వసనీయ వర్గాల భోగట్టా . సాయి పల్లవి మీద ఇప్పటికే MCA సినిమా సెట్స్ లో కూడా హీరో నాని తో గొడవ పడింది అంటూ రిమార్క్ ఉంది. తమిళం లో మారి 2 కి కూడా సంతకం చేసిన సాయి పల్లవి తన సినిమా టైమింగ్ లు సెట్ చేసుకోలేక షూటింగ్ కి రోజూ లేట్ గా వస్తోందట ఆ దెబ్బతో ప్రొడ్యూసర్ లు ,డైరెక్టర్ లూ అందరినీ మించి హీరోలు చిరాకు పడుతున్నారు అని చెబుతున్నారు.
లేటుగా వచ్చినా కూడా తనకోసం అందరూ వెయిట్ చెయ్యాలి అనే యాటిట్యూడ్ ఆమెలో కనపడుతోంది అనీ, రీసెంట్ గా నాగ శౌర్య సినిమా షూట్ కి లేట్ గా వచ్చి నాకోసం వెయిట్ చేయాల్సిందే అంటూ విసుక్కుంది అనీ , ఈ దెబ్బకి నాగ శౌర్య షూటింగ్ సెట్ లోంచి ఇంటికి వెళ్ళిపోయాడు అనీ చెప్పుకుంటున్నారు. సినిమా కి అన్యాయం చెయ్యద్దు అని ప్రొడ్యూసర్ లు కాళ్ళా వేళ్ళా పడితే మళ్ళీ సౌర్య వెనక్కి వచ్చాడట.