Boiled-Filtered Water: ఫిల్టర్ నీరు - గోరువెచ్చని నీరు.. ఇందులో ఏవి మంచివి

నీరు అంటే ప్రాణం అనే మాట మీరు చిన్నప్పటి నుంచి వింటూనే ఉంటారు. నీరు లేని జీవితం గురించి ఆలోచించడం కూడా కష్టం. మానవులకు, జంతువులకు, మొక్కల జీవితానికి నీరు చాలా ముఖ్యమైనది. మన జీవితంలో దాదాపు అన్ని కార్యకలాపాలు నీటిపై ఆధారపడి ఉంటాయి. ప్రస్తుతం పెరుగుతున్న జనాభా, పర్యావరణ కాలుష్యం, సహజ వనరుల కొరత కారణంగా ప్రజలకు స్వచ్ఛమైన నీరు అందడం కష్టంగా మారింది. పెద్ద సంఖ్యలో ప్రజలు మురికి నీటిని తాగాల్సి వస్తోంది. కలుషిత నీరు తాగడం వల్ల టైఫాయిడ్, కామెర్లు, కలరా వంటి అనేక తీవ్రమైన వ్యాధులు వస్తాయి. శరీరానికి శుభ్రమైన నీరు చాలా ముఖ్యం.

గొరువెచ్చని నీరు ఆరోగ్యానికి మంచిదని అందరికి తెలిసిందే. వ్యాధులు రాకుండా ఉండాలంటే ఫిల్టర్ చేసిన నీరు లేదా గోరువెచ్చని నీరు తాగాలని వైద్యులు సూచిస్తున్నారు. ఆరోగ్య భద్రత కోసం గోరువెచ్చని నీటిని తాగడం ఉత్తమమైనదిగా పరిగణించబడుతుంది. గోరువెచ్చని నీటి ప్రధాన ఉద్దేశ్యం అందులోని సూక్ష్మక్రిములను చంపడం. నీటిని గోరువెచ్చగా చేస్తే మరిగిస్తే అందులోని సూక్ష్మజీవులు, వైరస్‌లు, బ్యాక్టీరియాలు శుభ్రమవుతాయి.

గోరువెచ్చని నీటిని తాగడం వల్ల శరీరంలో వచ్చే వ్యాధులు తగ్గుతాయి. అయినప్పటికీ వేడినీరు మానవ ఆరోగ్యానికి ప్రమాదకరంగా భావిస్తారు. ఎందుకంటే సీసం, ఆర్సెనిక్, మెగ్నీషియం, నైట్రేట్ల వంటి మలినాలను విడుదల చేస్తుంది. ఈ నీరు పంపు నీటి కంటే చాలా శుభ్రంగా మారుతుంది. కానీ పూర్తిగా సురక్షితం కాదని గుర్తించుకోండని నిపుణులు చెబుతున్నారు.

ఫిల్టర్ చేసిన నీరు ప్రయోజనమా?

ఫిల్టర్‌ చేసిన నీటి గురించి మాట్లాడితే.. గోరువెచ్చని నీటి కంటే శుద్ధి చేసిన లేదా ఫిల్టర్ చేసిన నీరు తాగడానికి సురక్షితమైనదిగా చెబుతున్నారు నిపుణులు. నీటిలో ఉండే అన్ని రకాల బ్యాక్టీరియా, వైరస్‌లు, రసాయనాలు వాటర్ ప్యూరిఫైయర్ ద్వారా తొలగించబడతాయి. నీటిని పూర్తిగా ఫిల్టర్ చేసి తాగేందుకు సురక్షితమైన అనేక సాంకేతికతలు మార్కెట్‌లో అందుబాటులో ఉన్నాయి. ఈ పద్ధతి గోరువెచ్చని నీటి కంటే చాలా ప్రభావవంతంగా ఉంటుందట. అలాగే ఫిల్టర్ చేసిన నీటిని తాగడం వల్ల అనేక వ్యాధుల నుండి మిమ్మల్ని రక్షించవచ్చు. నీటిని ఫిల్టర్ చేసే లేదా శుద్ధి చేసే సదుపాయం లేకపోతే ఆ నీటిని కూడా కాచి తాగవచ్చు.

శుభ్రమైన నీరు రోగనిరోధక శక్తిని మెరుగుపరుస్తుంది. స్వచ్ఛమైన నీటిని తాగడం వల్ల రోగనిరోధక శక్తి పెరుగుతుంది, ఎందుకంటే ఇందులో అవసరమైన అన్ని ఖనిజాలు, విటమిన్లు ఉంటాయి. ఇది జీవక్రియ, చర్మ ఆరోగ్యాన్ని మెరుగుపరచడంలో ప్రభావవంతంగా ఉంటుంది. అలాగే పరిశుభ్రమైన నీరు బరువు తగ్గడానికి ఉపయోగపడుతుంది. వర్షాకాలంలో నీటి ద్వారా వచ్చే వ్యాధుల ప్రమాదం పెరుగుతుంది. అటువంటి పరిస్థితిలో ఫిల్టర్ చేసిన నీటిని తాగడానికి ప్రయత్నించండి. ఈ సదుపాయం లేకపోతే రోగాల బారిన పడకుండా కాచిన నీటిని తాగవచ్చు.

నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.