రోబో టాక్సీలను లాంచ్ చేయనున్న ఎలాన్ మస్క్

టెస్లా, స్పేస్‌ఎక్స్ CEO ఎలాన్ మస్క్ మాట్లాడుతూ.. తమ కంపెనీ భవిష్యత్ రోబోటాక్సీ(futuristic robotaxis)లను ప్రారంభించబోతున్నట్లు ప్రకటించారు. ఇది తప్పనిసరిగా సెల్ఫ్-డ్రైవింగ్ టాక్సీ క్యాబ్‌లు అని ఎలాన్ తెలిపారు. ప్రయాణాన్ని సులభతరం చేయడం, మరింత సమర్థవంతంగా వెళ్లేలా చేయడాన్ని లక్ష్యంగా పెట్టుకున్నామని అన్నారు. దీని కోసం నిర్దిష్ట కాలపరిమితిని పెట్టుకోకుండా రోబో టాక్సీలను టెస్లా తయారు చేయనుంది. సెల్ఫ్-డ్రైవింగ్ టాక్సీలే భవిష్యత్తు అని మస్క్ చెప్పారు. టెక్సాస్‌లో టెస్లా ఫ్యాక్టరీని ప్రారంభించిన సందర్భంగా ఎలాన్ మస్క్ ఈ ప్రకటన చేశారు. రాబోయే రోజుల్లో పూర్తి సెల్ఫ్ డ్రైవింగ్ ప్రత్యేక రోబోట్యాక్సీ తీసుకుని రాబోతున్నామని అన్నారు. 2019లో మస్క్ మాట్లాడుతూ.. టెస్లా పూర్తిగా సెల్ఫ్ డ్రైవింగ్ వాహనాలను అభివృద్ధి చేస్తోందని, ఇది ఆటోమొబైల్స్ భవిష్యత్తుగా ఉంటుందని చెప్పారు.