పోషకాల నిధి 'జామ‌ పండు'

జామ పండ్లు రుచిలో అద్భుతమైనవి.. ఆరోగ్యానికి కూడా మేలు చేస్తాయి. జామ‌ పండు పోషకాల నిధి. విటమిన్-సి, లైకోపీన్, యాంటీ ఆక్సిడెంట్ గుణాలు జామ‌లో తగినంత పరిమాణంలో ఉంటాయి. ఇవి ఆరోగ్యానికే కాకుండా చర్మానికి కూడా మేలు చేస్తాయి. జామకాయలో ఉండే పొటాషియం రక్తపోటు స్థాయిలను సాధారణీకరించడంలో సహాయపడుతుంది. కాబట్టి జామపండు తినడం వల్ల కలిగే ఇతర ప్రయోజనాలను తెలుసుకుందాం.

రోగ నిరోధక శక్తికి..

జామపండులో విటమిన్ సి పుష్కలంగా ఉంటుంది. ఇందులో నారింజలో కంటే విటమిన్-సి 4 రెట్లు ఎక్కువగా ఉంటుంది. ఇది రోగనిరోధక శక్తిని పెంచుతుంది. దీని వలన మీరు అనేక రకాల ఇన్ఫెక్షన్లు, వ్యాధులను నివారించవచ్చు. అంతే కాకుండా జామ కళ్లను ఆరోగ్యంగా ఉంచుతుంది.

మధుమేహ రోగులకు వ‌రం..

జామపండులో ఫైబర్ తగినంత పరిమాణంలో ఉంటుంది. మధుమేహ వ్యాధిగ్రస్తులకు ఈ పండు ఒక వరం. ఇది రక్తంలో చక్కెర స్థాయిని నియంత్రించడంలో సహాయపడుతుంది. మీరు డయాబెటిక్ పేషెంట్ అయితే.. మీ ఆహారంలో ఖచ్చితంగా జామను చేర్చుకోండి.

అధిక రక్తపోటు నియంత్రణకు..

జామపండులో సోడియం, పొటాషియం తగినంత పరిమాణంలో ఉంటాయి. ఇది అధిక రక్తపోటు(బీపీ) రోగులకు ప్రయోజనకరంగా పరిగణించబడుతుంది. ఇది అధిక రక్తపోటును నియంత్రించడంలో సహాయపడుతుంది.

చెడు కొలెస్ట్రాల్‌కు చెక్‌..

జామ ట్రైగ్లిజరైడ్స్(మనం తినే ఆహారం నుండి రక్తంలో చేరే కొవ్వులు), చెడు కొలెస్ట్రాల్ స్థాయిని తగ్గించడంలో కూడా సహాయపడుతుంది. దీని ద్వారా గుండె సంబంధిత వ్యాధులకు దూరంగా ఉండవచ్చు.

మలబద్ధకం సమస్యకు..

ఇతర పండ్లతో పోలిస్తే జామపండులో అధిక ఫైబర్ కంటెంట్ ఉంటుంది.ఇది జీర్ణక్రియకు సహాయపడుతుంది. మీరు జీర్ణ సమస్యలతో ఇబ్బంది పడితే.. మీ రోజువారీ ఆహారంలో ఖచ్చితంగా జామను చేర్చుకోండి. మలబద్ధకం సమస్యలో ప్రభావవంతంగా ప‌నిచేస్తుంది.

కంటి చూపుకు..

జామపండులో విటమిన్-ఎ తగినంత పరిమాణంలో ఉంటుంది. ఇది కళ్ళకు అవసరమైన మూలకం. జామ‌ తినడం వల్ల కంటి చూపు మెరుగుపడుతుంది. ఇది కంటిశుక్లం సమస్యను తగ్గించడంలో సహాయపడుతుంది.

గర్భిణీ స్త్రీలకు..

గర్భిణీ స్త్రీలకు జామ ఎంతో మేలు చేస్తుంది. ఇందులో ఉండే ఫోలిక్ యాసిడ్ లేదా విటమిన్ బి-9 గర్భిణీ స్త్రీలను ఆరోగ్యంగా ఉంచడంలో సహాయపడుతుంది. ఇది పుట్టబోయే బిడ్డ నాడీ వ్యవస్థను అభివృద్ధి చేయడంలో సహాయపడుతుంది.