చంద్రబాబు అరెస్టుపై హైదరాబాద్ లో ఐటీ ఉద్యోగుల నిరసన

హైదరాబాద్ గచ్చిబౌలిలోని విప్రో సర్కిల్ చంద్రబాబుకు మద్దతు తెలిపారు ఐటీ ఉద్యోగులు, టీడీపీ కార్యకర్తలు. చంద్రబాబును అక్రమంగా అరెస్ట్ చేశారంటూ వేలాది మంది ఐటీ ఉద్యోగులు రోడ్డుపైకి వచ్చి నిరసన కార్యక్రమాన్ని చేపట్టారు. ఏపీ ముఖ్యమంత్రి జగన్ కు వ్యతిరేకంగా నినాదాలు చేశారు. సైకో ప్రజాస్వామ్యాన్ని ఖూనీ చేస్తున్నారని.. చంద్రబాబుకు బెయిల్ కూడా రాకుండా చేస్తున్నారని ఆరోపించారు. విప్రో సర్కిల్‌ నుంచి ఔటర్‌ రింగ్‌రోడ్డు వరకు భారీ ర్యాలీ నిర్వహించారు ఐటీ ఉద్యోగులు. చంద్రబాబు అక్రమ అరెస్టును తీవ్రంగా ఖండించారు. ఈ కార్యక్రమానికి పోలీసులు అనుమతి నిరాకరించడంతో ఉద్రిక్తత నెలకొంది. ఆందోళనకు దిగిన ఐటీ ఉద్యోగులను చెదరగొట్టారు పోలీసులు. చంద్రబాబుపై పెట్టిన అక్రమ కేసులు ఎత్తివేయాలి. కక్ష సాధించేందుకే బాబును జైల్లో పెట్టారని నిరసనకారులు తెలిపారు. బాబు గారిని వెంటనే విడుదల చేయాలి, ఐయాం విత్ సీబీఎన్ వంటి ప్లకార్డులు పట్టుకుని ఆందోళన చేపట్టారు.