ఆది ఈసారి కొట్టేలాగే కనబడుతున్నాడు!

ఆది సాయి కుమార్ రీసెంట్ మూవీ శశి వచ్చే శుక్రవారం అంటే మార్చ్ 19 న విడుదల కాబోతున్న శశి ట్రైలర్ పవర్ స్టార్ పవన్ కళ్యాణ్ చేతుల మీదుగా లాంచ్ అయ్యింది. శశి టీజర్ ని మెగాస్టార్ చిరు చేతుల మీదుగా రిలీజ్ చేయించిన ఆది సాయి కుమార్ శశి ట్రైలర్ ని పవర్ స్టార్ చేతుల మీదుగా రిలీజ్ చేయించారు. శశి ట్రైలర్ లో అది సాయి కుమార్ రఫ్ లుక్ లో కనిపిస్తున్నాడు. అమ్మాయి ప్రేమ కోసం, బెస్ట్ ఫ్రెండ్ కోసం ఏదైనా చేసేసే కుర్రాడిగా ఆది కనిపిస్తున్నాడు. మనం ప్రేమించినవాళ్ళు మన పక్కన ఉన్నప్పుడు ఎంత ధైర్యంగా ఉంటుందో.. ప్రమాదంలో ఉన్నప్పుడూ అంతే భయంగా ఉంటుంది అంటూ సురభి గురించి ఆది సాయి కుమార్ చెప్పిన డైలాగ్ బావుంది. మనం ఏదైనా సాధించాలి అనుకున్నప్పుడు ముందు మన బలహీనతల్ని గెలవాలి.  
ఆ డైలాగ్స్ తో పాటుగా శశి అంటే రెండక్షరాలు కాదు.. వాడికి మనిద్దరం.. ఏ ఒక్కరు లేకపోయినా తట్టుకోలేడు అంటూ అది సాయి కుమార్ ఫ్రెండ్ సురభితో చెప్పే డైలాగ్ చూస్తుంటే ఎమోషనల్ గా అనిపిస్తుంది. ప్రేమంటే లేని చోట వెతుక్కోవడం కాదు.. ఉన్న చోట నిలబెట్టుకోవడం అంటూ సురభి చెప్పే డైలాగ్స్.. ప్రేమించిన వాడితో పెళ్లి చేయకుండా.. పెళ్లి చేసిన వాడితో ప్రేమగా ఉంటుందనుకోవడం మీ మూర్ఖత్వం.. అంటూ ఆది సాయి కుమార్ తండ్రితో చెప్పే డైలాగ్స్ అన్ని పవర్ ఫుల్ గాను, ప్రేమ గాను, ఎమోషనల్ గా కనెక్ట్ అవుతున్నాయి. డైలాగ్స్ మాత్రమే కాదు యాక్షన్ సీక్వెన్స్ కూడా హైలెట్ అనేలా ఉన్నాయి. మరి ఎప్పటినుండో హిట్ కోసం ఎదురు చూస్తున్న ఆది సాయి కుమార్ శశి తో హిట్ కొట్టేలాగే కనబడుతున్నాడు ఈ ట్రైలర్ చూస్తుంటే.