అఖిల్ – అభిజిత్ లు వేస్ట్?

బిగ్ బాస్ సీజన్ 4 లో కామెడీ చేస్తూ డాన్స్ చేస్తూ వివాదాలను కేరాఫ్ అడ్రెస్స్ గా చేసుకున్న అమ్మ రాజశేఖర్ గత వారమే బయటికి వచ్చేసాడు. కెప్టెన్సీ కెప్టెన్సీ అంటూ ఆరాటపడిన మాస్టర్ కి.. కెప్టెన్సీ వచ్చేసరికి ఇంటి బయట ఉండాల్సి వచ్చింది. అయితే బిగ్ బాస్ హౌస్ నుండి బయటకి వచ్చిన అమ్మ రాజశేఖర్ ని బిగ్ బాస్ సీజన్ 3 విజేత రాహుల్ సిప్లిగంజ్ ఇంటర్వ్యూ చెయ్యగా అందులో అమ్మ రాజశేఖర్ ఓపెన్ అయ్యాడు. ఈమధ్యన బిగ్ బాస్ హౌస్ లో అభిజిత్ – అమ్మ రాజశేఖర్ లు నువ్వా – నేనా అన్నట్టుగా ఉండడం, అభిజిత్ ని ఇబ్బందులు పెట్టాలనే విషయంలో మాస్టర్ ప్లాన్ చేసినా.. ఎలిమినేషన్ నుండి తప్పించుకోలేకపోయాడు. అయితే బయటికొచ్చాక తన అక్కసుని వెళ్లగక్కాడు అమ్మ.

ఇక బిగ్ బాస్ హౌస్ లో ఎవరు అర్హులో.. ఎవరు అనర్హులో అన్న ప్రశ్నకి అభిజిత్ అసలు బిగ్ బాస్ కి అనర్హుడని.. బిగ్ బాస్ లో ఉండాల్సిన వ్యక్తి కాదని.. ఇన్ని రోజులు అభిజిత్ హౌస్ లో ఉండడం షాకింగ్ విషయమే అంటున్నాడు. ఫిజికల్ గా ఫిట్ కాని అభిజిత్ హౌస్ కి అసలు ఏ విధంగానూ సూట్ కాదనేశాడు. నేను మల్లి అవకాశం వచ్చి హౌస్ లోకి వెళితే అది అభిజిత్ ఎలిమినేట్ అయ్యాకే అంటూ షాకింగ్ గా మాట్లాడాడు. ఇక దివి గురించి మాట్లాడిన అమ్మ రాజశేఖర్ దివి తనని హౌస్ లోను, బయట బ్యాడ్ కాకుండా కాపాడిన అమ్మాయి.. చాలా మంచి అమ్మాయి దివి అంటూ కితాబునిచ్చేసాడు. అలాగే అఖిల్ ఎలినేషన్స్ కి సంబందించిన నామినేషన్స్ ని సిల్లీగా మార్చేసాడని.. అఖిల్ సిల్లీగా నామినేట్ చేస్తాడంటూ.. ఫైర్ అయ్యాడు.