యాంకర్, నటి అనసూయ ఇంట తీవ్ర విషాదం

జబర్దస్త్ షో ద్వారా తెలుగు ప్రేక్షకులకు యాంకర్ గా పరిచయమైన అనసూయ భరద్వాజ్ ఇంట తీవ్ర విషాదం నెలకొంది. ఆమె తండ్రి సుదర్శన్ రావు తీవ్ర అనారోగ్యంతో ఆదివారం ఉదయం మరణించారు. సుదర్శన్ రావు (63) కొంతకాలంగా క్యాన్సర్ తో పోరాడుతున్నారు. దానిని తగ్గించుకునేందుకు మందులు కూడా వాడుతున్నారు. కానీ.. ఇటీవల ఆయన ఆరోగ్యం మరింత క్షీణించింది. ఈ క్రమంలోనే ఆదివారం ఉదయం తీవ్ర అస్వస్థతకు గురైన ఆయన.. తుదిశ్వాస విడిచారు. దీంతో అనసూయ సహా ఆమె కుటుంబ సభ్యులు, సన్నిహితులు శోకసంద్రంలో మునిగిపోయారు.