దిల్ రాజు ని వదిలించుకోగలడా…!

గత ఏడాది భారీ ఫ్లాప్స్ ని చవిచూసిన దిల్ రాజు ఈ ఏడాది ప్రారంభంలోనే అనిల్ రావిపూడి పుణ్యమా అని బిగ్గెస్ట్ హిట్ కొట్టాడు. దిల్ రాజు మీడియం బడ్జెట్ తో నిర్మించిన ఎఫ్ 2 ఈ సంక్రాంతి సినిమాల జాబితాలో బ్లాక్ బస్టర్ హిట్ గా నిలిచింది. అనిల్ రావిపూడి కథ లేకపోయినా… కామెడీ తోనే హిట్ కొట్టించాడు. ఎఫ్ 2 సినిమా ఫ్యామిలీ ఆడియన్స్ కి కనెక్ట్ అవడంతో ఈ సంక్రాంతికి ఎఫ్ 2 సినిమా బిగ్గెస్ట్ హిట్ అయ్యింది. అనిల్ రావిపూడి రాసిన కామెడీ డైలాగ్స్ కి వెంకీ కామెడీ టైమింగ్ తోడవడంతో ఈ సినిమా సూపర్ హిట్ అయ్యింది.

మళ్లీ లాక్ చేస్తున్న దిల్ రాజు

అయితే అనిల్ రావిపూడి తెరకెక్కించిన సినిమాలన్నీ వరుస హిట్స్ అవడం.. అందులో దిల్ రాజు మూడు సినిమాలు నిర్మించడంతో దిల్ రాజు మళ్లీ అనిల్ రావిపూడితో సినిమా చెయ్యాలని అనుకుని అనిల్ ని మళ్ళీ తన బ్యానర్ లోనే లాక్ చేసే ప్రయత్నాలు స్టార్ట్ చేసాడట. అయితే, ఎఫ్ 2 హిట్ అవడంతో.. ఇప్పుడు చాలామంది హీరోలతో పాటు నిర్మాతలు కూడా అనిల్ తో సినిమా చెయ్యాలని భావించి, అడ్వాన్స్ లు కూడా ఇచ్చేయాలనే ప్లాన్ లో ఉన్నారట.

బయట బ్యానర్ పై అనిల్ ఆసక్తి…

దిల్ రాజు మాత్రం అనిల్ ని మళ్లీ లాక్ చేసి ఒక పెద్ద హీరోతో సినిమా చెయ్యాలని చూస్తున్నాడట. కానీ, అనిల్ మాత్రం ప్రస్తుతం బయట బ్యానర్ లో సినిమా చెయ్యాలని చూస్తున్నాడట. ఒకవేళ అనిల్ తో ఎవరైనా స్టార్ హీరో సినిమా చేస్తే అనీల్ జాతకం మారడం ఖాయం. అయితే అనిల్ తో పెద్ద హీరో సినిమా చెయ్యాలంటే అది దిల్ రాజు వల్లే అవుతుంది. చూద్దాం అనిల్, దిల్ రాజుని వదిలించుకుంటాడా లేదా అనేది.