బాలయ్య – బోయపాటి సినిమా కథ ఇదేనా?

బాలకృష్ణ – బోయపాటి కాంబో సినిమా ఇదిగో అదిగో అనడమే కానీ.. సినిమా ఇప్పటివరకు పట్టాలెక్కలేదు. ఒకసారి బడ్జెట్ విషయమై మరోసారి, హీరోయిన్ విషయమై, ఇంకోసారి బోయపాటి పర్సనల్ కారణాలతో పూజా కార్యక్రమాలు జరగకుండా వాయిదాల మీద వాయిదాలు పడుతున్న ఈ సినిమా ఎప్పుడు పట్టాలెక్కుతుందో ఎవ్వరికి క్లారిటీ లేదు కానీ.. ఈసినిమాలో బాలకృష్ణ అఘోర పాత్రలో కనిపించబోతున్నాడని, అలాగే బాలయ్య డ్యూయెల్ రోల్ చేయబోతున్నాడనే న్యూస్ మాత్రం ప్రచారం లోఉంది.

అయితే తాజాగా బోయపాటి – బాలయ్య సినిమాలో బాలకృష్ణ రెండు డిఫరెంట్ షేడ్స్ ఉన్న కేరెక్టర్స్ లో కనిపిస్తాడని…. అది కూడా కవల పిలల్లుగా బాలయ్య రెండు పాత్రలు చేస్తున్నాడట. ఇంతకీ సోషల్ మీడియాలో ప్రచారం జరుగున్న కథ ప్రకారం…. చిన్న‌ప్పుడే ఈ కవల సోద‌రులు విడిపోతారు అని…. ఒక‌రు కాశీలో మ‌రొక‌రు అనంత‌పురంలో పెరిగి పెద్ద‌వాళ్ల‌వుతారట. అయితే కాశీలో పెరిగిన బాల‌య్య అఘోరాగా మార‌తాడని.. ఆతర్వాత అన్నదమ్ముల మ‌ధ్య ఏం జ‌రిగింద‌న్న‌దే ఈ సినిమా క‌థ‌ అంటూ ప్రచారం జరుగుతుంది. ఇంటర్వెల్ కి ముందు బాలయ్య అఘోరా పాత్ర ప‌రిచ‌యం అవుతుందని…. సెకండ్ హాఫ్ అంతా.. బాలయ్య అఘోర పాత్ర చుట్టూనే కథ మొత్తం తిరుగుతుంద‌ని చెబుతున్నారు. అయితే బాలకృష్ణ ఇప్పుడు తన కాన్సంట్రేషన్ మొత్తం అఘోరా గెట‌ప్ మీదే పెట్టాడని.. దాని కోసం కొత్త లుక్ ట్రై చేస్తున్నాడని అంటున్నారు.