బాలయ్య ఫ్యాన్స్ కి పండగే… కానీ బాలయ్యకే…

బాలకృష్ణ – బోయపాటి కలయికలో తెరకెక్కాల్సిన సినిమా గత ఏడాది ఫిబ్రవరిలోనే మొదలు కావాల్సింది. కానీ మధ్యలో ఎన్టీఆర్ బయోపిక్ దెబ్బ, ఎన్నికల్లో గందరగోళంతో బాలకృష్ణ బోయపాటి ని పక్కనబెట్టి.. కె ఎస్ రవికుమార్ తో రూలర్ అంటూ డిజాస్టర్ సినిమా చేసాడు. ఇక బోయపాటి తో బాలకృష్ణ సినిమా జనవరి నుండి సెట్స్ మీదికెళుతుందనుకుంటే… మొదట్లో అంటే రూలర్ దెబ్బకి బోయపాటి సినిమా నిర్మాతకు టెన్షన్ పట్టుకుంది. ఎలాగో ఆ నిర్మాతని సెట్ చేసుకునే సరికి బోయపాటి మదర్ కన్నుముయ్యడంతో.. బాలయ్య – బోయపాటి సినిమా కి బ్రేకులేశారు.

అయితే తాజాగా బాలకృష్ణ – బోయపాటి సినిమా ఫిబ్రవరి 13 నుండి మొదలుకాబోతుందంటూ ఓ న్యూస్ ఫిలింసర్కిల్స్ లో నడుస్తుంది. ఇది విన్న బాలయ్య ఫ్యాన్స్ బోయపాటి తో సినిమా అంటే బాలయ్య హిట్ పక్కా అంటూ సంబరాలకు రెడీ అవుతున్నారు. బాలయ్య ఫ్యాన్స్ సంబరాలేమో ఇప్పుడు బాలయ్య మాత్రం హీరోయిన్ విషయంలో తలపట్టుకున్నాడట. ముందుగా బాలయ్య కోసం బోయపాటి, కేథరిన్ ని తీసుకొస్తున్నాడని అన్నారు. కేథరిక్ కి 80 లక్షల భారీ పారితోషకం అంటూ ప్రచారం జరిగింది. బోయపాటి మాటకు విలువనిచ్చి కేథరిన్, బాలకృష్ణ తో జోడీకడుతుందని అన్నారు. అయితే తాజాగా కేథరిన్, బాలయ్య సినిమాకి హ్యాండ్ ఇవ్వడంతో ఇప్పుడు బోయపాటి మరో హీరోయిన్ ను సెట్ చేసుకోవాలట. మరి బాలయ్య కి ఎప్పటినుండో హీరోయిన్స్ కొరత ఉంది. రూలర్ చూస్తే బాలయ్య కి ఏ రేంజ్ హీరోయిన్స్ కొరత ఉందొ తెలుస్తుంది. మరి బోయపాటి ఈసారి ఏ హీరోయిన్ ను బాలయ్య కి సెట్ చేస్తాడో చూడాలి.