బ్రిట్నీ ప్రేమ వ్యవహారంలో ఎన్నో ఎదురుదెబ్బలు తిన్నది. ఆమె డేటింగ్ చేసిన లిస్ట్ చాలానే పెద్దది. బ్రిట్నీ స్పియర్స్ ఇంతకు ముందు కూడా రెండు సార్లు పెళ్లి చేసుకున్నారు. ఆమె మాజీ బాయ్‌ఫ్రెండ్స్ మరియు భర్తల జాబితాను చూద్దాం.
హైస్కూల్ సమయంలో బ్రిట్నీ తన పాఠశాల స్నేహితుడు రెగ్ జోన్స్‌తో డేటింగ్ చేసింది. రెండు సంవత్సరాల పాటు డేటింగ్ చేశాక విడిపోయారు.
బ్రిట్నీ జస్టిన్ టింబర్‌లేక్‌ను కేవలం 11 సంవత్సరాల వయస్సులో కలిసింది. ఆ సమయంలో ఇద్దరూ 1992 సంవత్సరంలో మిక్కీ మౌస్ క్లబ్‌హౌస్ కోసం షూటింగ్‌లో ఉన్నారు. ఇద్దరు స్టార్‌లు 1999 వరకు తమ సంబంధాన్ని ప్రైవేట్‌గా ఉంచారు. తరువాత దానిని పబ్లిక్ చేసారు. అమెరికన్ మ్యూజిక్ అవార్డ్స్‌లో ఈ జంట రెడ్ కార్పెట్‌పై డెనిమ్ డ్రెస్ ధరించి కనిపించారు. ఈ జంట రెండేళ్ల తర్వాత 2002లో బహిరంగంగా తమ సంబంధాన్ని తెంచుకున్నారు.
బ్రిట్నీ జస్టిన్ టింబర్‌లేక్‌ను వేడ్ రాబ్సన్‌తో కలిసి ఒక సంవత్సరం పాటు మోసం చేసిందని పుకారు వచ్చింది. 1999 మరియు 2000 సంవత్సరాల సమయంలో వేడ్ బ్రిట్నీకి కో-డైరెక్టర్ గా ఉన్నప్పుడు ఇద్దరూ ఒకరికొకరు సన్నిహితంగా ఉన్నారు.
ఫ్రెడ్ డర్స్ట్, జారెడ్ లె,టో కోలిన్ ఫారెల్ తో కూడా ఆమె డేటింగ్ చేస్తున్నట్లు వార్తలు వచ్చాయి.
మార్చి 2004లో, బ్రిట్నీ స్పియర్స్ తన చిన్ననాటి బెస్ట్ ఫ్రెండ్ జాసన్ అలెన్ అలెగ్జాండర్‌ను వివాహం చేసుకుంది. లాస్ వెగాస్, నెవాడాలోని ఎ లిటిల్ వైట్ వెడ్డింగ్ చాపెల్‌లో వీరిద్దరూ పెళ్లి చేసుకున్నారు. కేవలం 55 గంటల తర్వాత, స్పియర్స్కు ఆమె చర్యలపై అవగాహన లేదని పేర్కొంటూ విడాకుల కోసం కోర్టులో పిటిషన్ దాఖలు చేయబడింది.
బ్యాక్ స్టేజ్ డ్యాన్సర్ అయిన కొలంబస్ షార్ట్ తో కూడా ఆమె రిలేషన్ షిప్ లో ఉందనే కథనాలు వచ్చాయి.
కెవిన్ ఫెడెర్లైన్
బ్రిట్నీకి కెవిన్ ఫెడెర్లైన్ అనే వ్యక్తితో నిశ్చితార్థం జరిగింది. కెవిన్ బ్రిట్నీ యొక్క బ్యాకప్ డ్యాన్సర్ టీమ్‌లో ఒక భాగం. బ్రిట్నీ ఏప్రిల్ 2004లో కెవిన్‌ను కలుసుకున్నారని.. మూడు నెలల పాటు డేటింగ్ చేసిందని మీడియా తెలిపింది. బ్రిట్నీ తన స్వంత కుటుంబాన్ని ప్రారంభించడానికి తన కెరీర్‌లో చిన్న విరామం తీసుకుంది. ఆమె తన ఇద్దరు పిల్లలు 2005లో సీన్ ప్రెస్టన్ 2006లో జేడెన్ జేమ్స్ లకు జన్మనిచ్చింది, తరువాత నవంబర్ 2006లో, ఆమె కుటుంబ సమస్యలను తెలుపుతూ ఫెడెర్లైన్ నుండి విడాకుల కోసం దాఖలు చేసింది. గ్లోబల్ సెటిల్మెంట్ తర్వాత ఇద్దరూ జూలై 2007లో విడిపోయారు. వారి పిల్లల ఉమ్మడి సంరక్షణను పంచుకోవడానికి అంగీకరించారు.
JR రోటెమ్, జాసన్ ట్రావిక్ లతో రిలేషన్ షిప్ లో ఉంది బ్రిట్నీ. డేవిడ్ లుకాడో, చార్లీ ఎబెర్సోల్ లతో కూడా బ్రిట్నీ లవ్ స్టోరీ బెడిసికొట్టింది.