చంద్రముఖి 2లో కాంట్రవర్సీ క్విన్ కంగనా ఫస్ట్ లుక్..

2005 సంవత్సరంలో బ్లాక్ బస్టర్ హిట్ గా నిలిచిన హార్రర్ జోన్ ఫిలిం.. చంద్రముఖి చిత్రానికి సిక్వెల్ రూపొందుతున్న సంగతి తెలిసిందే. సూపర్ స్టార్ రజనీకాంత్ -నయనతార-జ్యోతిక ప్రధాన పాత్రల్లో నటించిన సినిమాకు రాఘవ లారెన్స్ హీరోగా సీక్వెల్ తెరకెక్కిస్తున్నారు. ఈ సినిమాకు చంద్రముఖి డైరెక్టర్ పి.వాసు దర్శకత్వం వహిస్తుండగా.. సీనియర్ నటి రాధిక కీలక పాత్ర పోషిస్తున్నారు. ఈ సినిమాలో బాలీవుడ్ కాంట్రవర్సీ క్వీన్ కంగనా లీడ్ రోల్ లో నటిస్తోందని కొద్దిరోజులుగా వార్తలొస్తున్నాయి. తాజాగా.. ఆ వార్తలను నిజం చేస్తూ.. నిర్మాణ సంస్థ లైకా ప్రొడక్షన్స్ కంగనా ఫస్ట్ లుక్ ను రిలీజ్ చేసింది.