ఆ హాలీవుడ్ మూవీ స్ఫూర్తితో చిరు 'ఖైదీ'.. అప్పటి విశేషాలు..

మెగాస్టార్ చిరంజీవిని స్టార్ హీరోగా మార్చిన సినిమా 'ఖైదీ'. 1983 అక్టోబర్ 28న రిలీజ్ అయిన ఈ చిత్రం నేటితో 40 ఏళ్ళు పూర్తి చేసుకుంది. దీంతో చిరంజీవి ఆ సినిమా ఇచ్చిన విజయాన్ని గుర్తు చేసుకుంటూ ట్విట్టర్ లో ఒక ఎమోషనల్ పోస్ట్ వేశాడు. "ఖైదీ చిత్రం తనని నిజంగానే అభిమానుల గుండెల్లో శాశ్వత ఖైదీని చేసింది" అంటూ చెప్పుకొచ్చాడు.

ఇక ఈ సినిమా అప్పటి విశేషాలు విషయానికి వస్తే.. ఎ.కోదండరామిరెడ్డి డైరెక్ట్ చేసిన ఈ సినిమాకి పరుచూరి బ్రదర్స్ రచయితలుగా చేశారు. సుమలత, మాధవీ హీరోయిన్స్ గా నటించగా రావు గోపాల్ రావు ప్రతినాయకుడు పాత్రలో తన విలనిజం తారా స్థాయిలో చూపించారు. చక్రవర్తి సంగీతం అందించారు. ఈ సినిమా కథని హాలీవుడ్ మూవీ 'ఫస్ట్ బ్లడ్' నుంచి స్ఫూర్తి పొంది రాసుకున్నారట. కంప్లీట్ యాక్షన్‌ స్టోరీతో తెరకెక్కిన ఈ మూవీ మాస్ ఆడియన్స్ ని విపరీతంగా ఆకట్టుకొని ఇండస్ట్రీ హిట్టుగా నిలిచింది.