అది నిజమైతే బాక్సులు బద్దలే!!

చిరంజీవి ఆచార్య సినిమా తర్వాత కుర్ర దర్శకుడు సుజిత్ తో లూసిఫెర్ రీమేక్ చేస్తున్నాడు. ఇప్పటికే మలయాళ లూసిఫెర్ రీమేక్ స్క్రిప్ట్ మీద కూర్చున్న సాహో దర్శకుడు సుజిత్ తెలుగు ప్రేక్షకులు, మెగా ఫాన్స్ మెచ్చేలా ఈ స్క్రిప్ట్ ని మారుస్తున్నాడని.. చిరు సలహాలు సూచనలతో లూసిఫెర్ రీమేక్ స్క్రిప్ట్ అద్భుతంగా వస్తుందని ఫిలిం నగర్ టాక్. అయితే ఇప్పుడు ఈ సినిమాపై ఓ న్యూస్ సోషల్ మీడియాలో తెగ హైలెట్ అయ్యింది. అదేమంటే ఈ సినిమాలో చిరు తో కలిసి లేడి సూపర్ స్టార్ విజయశాంతి నటించబోతుంది అనే న్యూస్ ఉంది చూశారూ.. అది మాత్రం క్రేజీ క్రేజీ గా మెగా ఫాన్స్ ని షేక్ చేస్తుంది.

13 ఏళ్ళ తరవాత సరిలేరు నీకెవ్వరూ సినిమాతో  సినిమాల్లోకి రే ఎంట్రీ ఇచ్చింది. కానీ సరిలేలు తర్వాత సైలెంట్ గా ఉన్న విజయశాంతి లూసిఫెర్ రీమేక్ లో నటిస్తుందా? అందులో చిరు చెల్లెలి పాత్రలో? అనేది కాస్త డౌట్. గతంలో హీరో హీరోయిన్ గా బాక్సాఫీసుని షేక్ చేసిన విజయశాంతి – చిరు జంట ఇప్పుడు అన్న చెల్లెళ్ళ పాత్రల్లో అంటే చూడడానికి కష్టమే  అయినా.. ఈ సినిమాపై అంచనాలు ఆకాశంలో ఉంటాయి. అయితే సరిలేరు ఈవెంట్ లో చిరు – విజయశాంతి ఆత్మీయంగా మాట్లాడుకోవడం చూసి విజయశాంతి లూసిఫెర్ రీమేక్ లో నటించే ఛాన్స్ వుందేమో అంటున్నారు.

అయితే మలయాళ లూసిఫెర్ లో మంజు వార్యర్ కనిపించిన పాత్రలోనే విజయశాంతి కనిపించబోతుందని గత రెండు రోజులుగా సోషల్ మీడియాలో వార్తలు వస్తున్నాయి. అయితే లూసిఫర్ లో మంజు వార్యర్… హీరో మోహన్ లాల్ కి చెల్లి పాత్రలో నటించింది. మరి తెలుగులో చిరు కి చెల్లెలిగా విజయశాంతి పేరు బాగా వినబడుతుంది. మరి అదే గనక నిజమైతే బాక్సులు బద్దలే అంటున్నారు మెగా ఫాన్స్.