పృథ్వీ సంచలన ఆరోపణలు

కమెడియన్ పృథ్వీ ఈ ఎన్నికల్లో వైఎస్సార్ కాంగ్రెస్ పార్టీ తరుపున మాట్లాడడం, ప్రచారం చేయడం, ఆ టైములో పవన్ కళ్యాణ్ లాంటి పొలిటీషియన్ కూడా విమర్శించడంతో అతనిపై మెగా ఫామిలీ కక్ష కటిందని అందుకే అతనికి మెగా ఫామిలీ ల సినిమాల్లో అవకాశం రావడంలేదని వార్తలు వచ్చిన నేపథ్యంలో దీన్ని పృథ్వీ అప్పుడు ఖండించాడు.

పార్టీ వాడిని కావడంతోనే….

కానీ ఇప్పుడు మాత్రం తను వైసీపీ వాడిని కావడం వల్ల సినిమా అవకాశాలు తగ్గిపోతున్నట్లు పృథ్వీ పేర్కొనడం గమనార్హం. నిన్న హైదరాబాద్ లో ప్రెస్ మీట్ లో ఈవిషయాలు చెప్పాడు. రీసెంట్ గా అతనికి శ్రీ వేంకటేశ్వరా భక్తి ఛానెల్ చైర్మన్ అయిన సంగతి తెలిసిందే. ఇటువంటి పదవి తనకు రావడంతో సినీ పరిశ్రమలో తనపై కక్షసాధింపులు మొదలయ్యాయని చెప్పుకొచ్చాడు.

అడ్వాన్సులు కూడా….

ఆల్రెడీ తాను ఒప్పుకున్న సినిమాలు అడ్వాన్సులు కూడా తిరిగి ఇచ్చేస్తున్నానని, కొన్ని సినిమాలు మాత్రమే చేస్తున్నానని చెప్పాడు. నాకు ఖాళీ ఉంటేనే సినిమాలు చేస్తా అని లేకపోతే చేయను అని చెప్పేసాడు పృథ్వి. గతంలో ఈ పదవిలో రాఘవేంద్రరావుతోపాటు పలువురు ఎస్వీబీసీ చైర్మన్లుగా ఉన్నారని.. వారి హయాంలో ఏమైనా అక్రమాలు జరిగితే.. విచారణ తప్పదని పృథ్వీ పేర్కొనడం గమనార్హం.