ఆ సినిమాకు హిట్ టాక్ వచ్చినా.. భారీ నష్టాలేనా?

డెవిల్ బాక్సాఫీస్ వద్ద భారీ నష్టాల దిశగా పయనిస్తోంది. నందమూరి కళ్యాణ్ రామ్ తాజా స్పై థ్రిల్లర్ డెవిల్ డిసెంబర్ 29 న విడుదలైంది. ప్రేక్షకులు, విమర్శకుల నుండి మంచి స్పందనను అందుకుంది. విడుదలకు ముందు సరైన ప్రమోషన్స్ చేయలేదు.. అంతేకాకుండా సలార్ సినిమా విడుదలైన తర్వాతి వారమే ఈ సినిమాను విడుదల చేయడంతో బాక్సాఫీస్ వద్ద మంచి కలెక్షన్లను రాబట్టలేకపోయింది. వారాంతానికి సినిమా గొప్పగా కలెక్షన్స్ సాధించకపోయినా.. న్యూ ఇయర్ రోజున బాగా పుంజుకుంది. నాలుగు రోజుల పాటు ఈ చిత్రం ప్రపంచవ్యాప్తంగా 7.5Cr షేర్ వసూలు చేసింది, అయితే 5వ రోజు నుండి డెవిల్ బాక్సాఫీస్ వద్ద భారీ నష్టాల దిశగా పయనిస్తోంది. ఇక ఈ శని, ఆదివారాలు ఈ సినిమా ఎంత కలెక్షన్స్ వసూలు చేస్తుందో చూడాలి.