సినిమా టైటిల్స్ ని రివీల్ చేస్తున్న ప్రముఖ ఛానల్

అసలు సినిమానే మొదలవ్వకుండా నాగ చైతన్య – రష్మిక జంటగా నటిస్తున్నారని ఆ సినిమా అదే నువ్వు అదే నేను అని తెలుగులో ఓ ప్రముఖ ఛానల్ జెమిని టివి ప్రకటించడమే కాదు అదే నువ్వు అదే నేను శాటిలైట్ హక్కులను కూడా తామే కొన్నట్టుగా ప్రకటించుకుంది. తాజాగా మరో సినిమా టైటిల్ ని జెమిని టివి ప్రకటించడమే కాదు ఆ సినిమా శాటిలైట్ హక్కులను తాము కొన్నట్టుగా ప్రకటించడం ఇప్పుడు ఇండస్ట్రీలో హాట్ టాపిక్ గా మరింది. చైతు సినిమా ఎప్పుడు మొదలవుతుందో చెప్పకుండా టైటిల్ అండ్ శాటిలైట్ హక్కులను రివీల్ చేసిన జెమిని ఛానల్ తాజాగా బాలకృష్ణ – కె ఎస్ రవికుమార్ కాంబోలో షూటింగ్ జరుపుకుంటున్న సినిమా టైటిల్ ని మాత్రం ప్రకటించింది.

ఆశ్చర్యమే…

ఎప్పటినుంచో ప్రచారంలో ఉన్నట్లుగా బాలయ్య కొత్త చిత్రం టైటిల్ రూలర్ అని జెమిని టివి ఓ పోస్టర్ ని ట్విట్టర్ లో వదిలి షాకిచ్చింది. అంతేకాకుండా రూలర్ సాటిలైట్ హక్కులను తాము సొంతం చేసుకున్నట్లుగా చెప్పి బాలయ్య అభిమానులకు షాకిచ్చింది. దసరా కానుకగా బాలకృష్ణ కొత్త చిత్రం టైటిల్ కోసం ఎదురు చూశారు బాలయ్య అభిమానులు. జెమిని టివి ఆఫీసియల్ ట్విట్టర్ లో ఇలా ఎలాంటి చడి చప్పుడు లేకుండా టైటిల్ ని ప్రకటించడం పై వారు గుర్రుగా ఉన్నారు. చిత్ర బృందం కానీ, హీరో కానీ, నిర్మాతలు కానీ చిత్ర టైటిల్ ప్రకటించకుండా శాటిలైట్ హక్కులను కొన్నజెమిని టివి ప్రకటించడం మాత్రం అందరిని ఆశ్చర్యంలో పడేసింది.