ఓటీటీలోకి వచ్చేస్తున్న హిడింబ మూవీ

థియేటర్లలో రిలీజైన 20 రోజుల్లోనే హిడింబ సినిమా ఓటీటీలోకి అడుపెట్టబోతోంది. ఆగస్టు 10వ తేదీ సాయంత్రం 7 గంటలకు ఈ సినిమా ఆహా ఓటీటీలో రిలీజ్ కానుంది. ఈ విషయాన్ని ఆహా ఓటీటీ నేడు అధికారికంగా ప్రకటించింది. “హిడింబ.. వేట మొదలుకాబోతోంది. భయపెట్టే బ్లాక్‍బాస్టర్‌కు సిద్ధంగా ఉండండి. హిడింబ మూవీ ఆహాలో ఆగస్టు 10వ తేదీన సాయంత్రం 7 గంటలకు ప్రీమియర్ అవుతుంది” అని ఆహా ఓటీటీ ట్వీట్ చేసింది. ఈ సినిమాలో శ్రీనివాసరెడ్డి, మకరండ్ దేశ్ పాండే, సాహితి అవంచ, సంజయ్ స్వరూప్, విద్యుల్లేఖ రామన్, రాజీవ్ కనకాల, శుభలేఖ సుధాకర్, రఘు కుంచె ప్రధాన పాత్రల్లో నటించారు. విఘ్నేశ్ కార్తిక్ సినిమాస్ పతాకంపై శ్రీధర్ గంగపట్నం ఈ చిత్రాన్ని నిర్మించారు. ఏకే ఎంటర్‌టైన్మెంట్స్ బ్యానర్ అనిల్ సుంకర ఈ చిత్రాన్ని సమర్పించారు.