బోయపాటి రెమ్యునరేషన్ మరీ అంతనా..?

ఎన్టీఆర్ బయోపిక్ ఇంకా రిలీజ్ కాకుండానే బాలకృష్ణ తన తదుపరి సినిమాని అనౌన్స్ చేశాడు. మాస్ డైరెక్టర్ బోయపాటి డైరెక్షన్ లో బాలకృష్ణ ఓ సినిమా చేయనున్నాడు. ఫిబ్రవరి లో ఈ సినిమా సెట్స్ మీదకు వెళ్లనుంది. గతంలో బాలకృష్ణ.. బోయపాటి కాంబినేషన్లో వచ్చిన ‘సింహా’, ‘లెజెండ్’ వంటి సినిమాలు సంచలన విజయాలను సాధించాయి. మూడో చిత్రం కూడా సూపర్ హిట్ సాదిస్తుందని ఫ్యాన్స్ ఆశిస్తున్నారు. బాలకృష్ణ సొంత బ్యానర్ లోనే ఈ సినిమా రూపొందనుంది.

రాజమౌళి తర్వాత బోయపాటి..?

అయితే ఈ సినిమాకి బోయపాటి ఏకంగా 15 కోట్లు తీసుకుంటున్నాడని సమాచారం. బోయపాటి ప్రస్తుతం 10 కోట్లు తీసుకుంటున్నాడు. అయితే బాలకృష్ణ సినిమా కోసం 15 కోట్లు తీసుకోవాలని నిర్ణయించుకున్నాడని ఫిలింనగర్ సమాచారం. బోయపాటి బాలయ్యతో తీసిన రెండు చిత్రాలు ఆయన కెరియర్లో చెప్పుకోదగిన హిట్సే. మరి అందుకనే ఇంత తీసుకుంటున్నాడేమో.. ఇది నిజం అయితే రెమ్యూనరేషన్స్ తీసుకోవడంలో రాజమౌళి తరువాత బోయపాటిదే రెండో స్థానం