పండంటి పిల్లాడికి జన్మనిచ్చిన ఇలియానా.. ఏ పేరంటే..?

గోవా బ్యూటీ ఇలియానా డి క్రూజ్ పండంటి బిడ్డకు జన్మనిచ్చింది. ఈ విషయాన్ని సోషల్ మీడియా ద్వారా వెల్లడించింది ఇలియానా. ఆమె ఆగస్టు 1న మగబిడ్డకు స్వాగతం పలికినట్లు తెలిపింది. పిల్లాడికి కోవా ఫీనిక్స్ డోలన్ అని పేరు పెట్టింది. తన నవజాత శిశువు మొదటి చిత్రాన్ని ఆమె సోషల్ మీడియాలో పంచుకుంది. తమ పిల్లాడిని ఈ ప్రపంచంలోకి స్వాగతించినందుకు ఎంతో సంతోషంగా ఉన్నామని తెలిపింది. ఎంతో సంతోషంగా ఉన్నామని .. చెప్పడానికి మాటలు లేవని తెలిపింది. ఈ శుభ సందర్భంలో మా హృదయాలు ఆనందంతో నిండిపోయాయని ఇలియానా చెప్పుకొచ్చింది.