సీఎం జగన్‌పై ప్రశంసలు కురిపించిన నటి పూనమ్ కౌర్.. వైరల్‌ అవుతున్న ట్వీట్‌

నటి పూనమ్ కౌర్.. చేసింది తక్కువ సినిమాలే అయినా తన అందం, అభినయంతో మంచి పాపులారిటీ తెచ్చుకుంది. మాయాజాలం సినిమాతో ఇండస్ట్రీలోకి ఎంట్రీ ఇచ్చిన ఈ ముద్దుగుమ్మ ఒక విచిత్రం, గగనం, నాగవల్లి తదితర సినిమాలతో నటించి తెలుగు ప్రేక్షకులలో మంచి పాపులారిటీ సంపాదించుకుంది. అడపా దడపా సినిమాలు చేస్తూ వస్తోంది. అదే సమయంలో సినిమాయేతర విషయాలతో ఎక్కువగా వార్తల్లో నిలుస్తోంది. ముఖ్యంగా టాలీవుడ్ కు చెందిన ఓ స్టార్ డైరెక్టర్ ను ఉద్దేశిస్తూ పూనమ్ పెట్టే పోస్టులు నెట్టింట తెగ వైరల్‌ అవుతున్నాయి.

అప్పుడప్పుడు రాజకీయాల పరంగా పోస్టులు పెడుతూ వస్తోంది. ఇక తాజాగా ఏపీ సీఎం వైఎస్‌ జగన్‌పై పూనమ్ పెట్టిన ట్వీట్ ఇప్పుడు హాట్ టాపిక్ గా మారింది. కరోనా మహామ్మారి విజృభించిన సమయంలో చేనేత కార్మికులకు వైసీపీ ప్రభుత్వం అండగా నిలిచింది. వారి కోసం చాలా మంచి పనులు చేసింది. చేనేత కార్మికుల సమస్యలపై ఎంతగానో పనిచేసే ఓ కార్యకర్తగా చెబుతున్నా ఇది చాలా గొప్ప విషయం.. అంటూ పూనమ్‌ ట్విట్టర్ లో పేర్కొంది. ప్రస్తుతం ఈ పోస్ట్ నెట్టింట వైరల్ గా మారింది.

సీఎం జగన్ అభిమానులు, వైసీపీ కార్యకర్తలు ఈ పోస్టుపై లైకులు, కామెంట్ల వర్షం కురిపిస్తుంటే, మరోవైపు టీడీపీ, జనసేన నేతలు మాత్రం పూనమ్ ను ట్రోల్ చేస్తూ కామెంట్లు పెడుతున్నారు. మొత్తానికి ఏపీలో అసెంబ్లీ ఎన్నికలు సమీపిస్తున్న వేళ పూనమ్ కౌర్ షేర్ చేసిన పోస్ట్ మరింత ప్రాధాన్యత సంతరించుకుంది.