జబర్దస్త్ ని పడెయ్యడానికి నాగబాబు పాట్లు

జబర్దస్త్ నుండి బయటికొచ్చిన నాగబాబు జబర్దస్త్ ని కొట్టెయ్యడానికి రెడీ అయ్యాడు. జబర్దస్త్ ని ఎలాగైనా పడుకోబెట్టాలని డిసైడ్ అయ్యి జీ ఛానల్ లో నాగబాబు అదిరింది అంటూ ఓ కొత్త ప్రోగ్రాం కి జడ్జ్ గా వచ్చాడు. అదిరింది ప్రోమో చూస్తుంటే మాత్రం జబర్దస్త్ కాపీ పేస్ట్ లా కనబడుతుంది. అయితే జబర్డస్ట్ నుండి బయటికొచ్చాక నాగబాబు వీడియోస్ తో హైలెట్ అవడం, రోజు ఒక న్యూస్ తో రావడంతో.. అదిరింది ప్రోమో లో నాగబాబునే హైలెట్ చేస్తూ ప్రోమో కట్ చేశారు. ఈ ప్రోగ్రాం కి అనసూయ యాంకర్ అనుకుంటే… బుల్లితెర నటీమణి సమీరా యాంకరింగ్ లోకి దిగింది. వచ్చే ఆదివారమే మొదలుకాబోతున్న అదిరింది ప్రోగ్రాం ని ఇంకా ఇంకా హైలెట్ చేసి క్రేజ్ తేవడానికి నాగబాబు కూతురు నిహారిక క్రేజ్ ని కూడా వాడుతున్నాడు.

నిహారిక బర్త్ డే రోజున అదిరింది ప్రోమో లో నిహారిక కూడా ఈ షో కి గెస్ట్ గా రాబోతున్నట్టుగా ఓ న్యూ ప్రోమోని వదిలింది జీ తెలుగు. నిహారిక అదిరింది స్టేజ్ మీదకి నిహారిక నిహారిక అనే సాంగ్ తో ఎంట్రీ ఇవ్వడం.. నాగబాబుకు గాల్లో ముద్దు పెట్టడడం, యాంకర్ సమీరా మీరు స్పెషల్ గెస్ట్ గా రావడం అంటుంటే.. ఎవరు స్పెషల్ గెస్ట్.. యు అర్ మై ఫ్యామిలీ అంటూ నిహారిక చెప్పడం.. ఎంతమందున్నారన్నది ముఖ్యం కాదు.. ఎవరున్నారన్నది ముఖ్యమంటూ నిహారిక వేసిన డైలాగ్, ఆమె డాన్స్ చూస్తుంటే నాగబాబు కూతురు క్రేజ్ ని అదిరింది కోసం వాడేస్తున్నాడనిపిస్తుంది. ఇక జబర్దస్త్ స్కిట్స్ లాగే.. ఇక్కడ ధనరాజ్, వేణు, ఆర్పీ లాంటోళ్ళు టీం లీడర్స్ గా స్క్రిప్ట్ లు చెయ్యబోతున్నారు. మరి నాగబాబు అదిరింది అంటూ జబర్దస్త్ కి వేసిన పంచ్ పేలుతుందో.. లేదో.. మరో వారంలో తేలిపోద్ది.