అట్టర్ ప్లాపయినా సుధీర్ ని వదలడట

సుడిగాలి సుధీర్ కమెడియన్ గా జబర్దస్త్ నుండి హీరో రేంజ్ కి ఎదిగాడు. ఢీ ప్రోగ్రాం లోను, జబర్దస్త్ ప్రోగ్రాం లోను యాంకర్ రష్మీ తో కలిసి బాగా పాపులర్ అయిన సుధీర్ తాజాగా హీరోగా మారాడు. అయితే సాఫ్ట్ వెర్ సుధీర్ అంటూ సుధీర్ చేసిన తోలి సినిమా అట్టర్ ప్లాప్ అయ్యింది. సుధీర్ డాన్స్, పెరఫార్మెన్స్ తప్ప సినిమాలో ఏం లేకపోవడం, పాత కథ.. బోర్ కొట్టించే స్క్రీన్ ప్లే అన్నీ సుధీర్ సినిమాకు మైనస్ అవడంతో.. సాఫ్ట్ వెర్ సుధీర్ అట్టర్ ప్లాప్ అయ్యింది. ఈ సినిమాని మూడు కోట్లతో నిర్మించిన నిర్మాత కి ఈ సినిమాతో లాస్ వచ్చేసింది. మొదటి రోజు కేవలం సుధీర్ ఇమేజ్ తో 30 లక్షల కొల్లగొట్టిన సాఫ్ట్ వెర్ సుధీర్ ఫైనల్ రన్ లో కేవలం కోటిన్నర కలెక్ట్ చేసినట్లుగా టాక్ ఉంది.

కానీ నిర్మాత శేఖర్ రాజు మాత్రం తనకి ఈ సినిమాతో ఐదు కోట్లు వచ్చాయని… తనకి సాఫ్ట్ వెర్ సుధీర్ లాభాల పంట పండించింది అని చెప్పుకురావడమే కాదు… తనకి అచ్చొచ్చిన హీరో సుధీర్ తో మరో సినిమా తీస్తా అంటూ చెబుతున్నాడు. అంతేకాదు.. సం థింగ్ సం థింగ్ అంటూ బాగా పాపులర్ అయిన రష్మీ – సుధీర్ కాంబోలో ఖచ్చితంగా సినిమా తీసి హిట్ కొడతా అంటూ చెప్పడం చూస్తుంటే..శేఖర్ కి నిజంగానే లాభాలొచ్చాయా అనిపిస్తుంది. ఆ విషయం ఆయన హీరో సుధీర్ తో పాటు ఆయనకే తెలియాలి మరి.