వై.ఎస్.రాజారెడ్డిని దించేసిన జగపతి బాబు లుక్

దివంగత ముఖ్యమంత్రి డా.వై.ఎస్‌. రాజ‌శేఖ‌ర్ రెడ్డి పాద‌యాత్ర‌లోని ముఖ్య ఘ‌ట్టాల‌తో నిర్మిస్తున్న‌చిత్రం యాత్ర‌. వైఎస్ఆర్ రాజకీయ జీవితంలో పాదయాత్ర కీలక ఘట్టం. మలయాళ సూప‌ర్‌స్టార్ మమ్ముట్టి వైఎస్ఆర్ పాత్రలో నటించారు. ఆనందో బ్రహ్మ వంటి సూపర్ హిట్ చిత్రాన్ని అందించిన ద‌ర్శ‌కుడు మ‌హి వి రాఘ‌వ్ ఈ యాత్ర‌ని తెర‌కెక్కించారు. ఈ చిత్రాన్ని భలే మంచి రోజు, ఆనందో బ్రహ్మ వంటి సూపర్ హిట్ చిత్రాలతో మంచి పేరు సంపాదించుకున్న 70 ఎంఎం ఎంట‌ర్‌టైన్‌మెంట్స్ భారీ వ్య‌యంతో ప్ర‌తిష్టాత్మ‌కంగా నిర్మించింది. ఈ చిత్రానికి శివ మేక సమర్పకుడు. ఇప్ప‌టికే విడుద‌ల చేసిన ప్ర‌మెష‌న్ మెటెరియ‌ల్ కి చాలా మంచి రెస్పాన్స్ వ‌చ్చింది. వైఎస్ఆర్ తండ్రి రాజారెడ్డి పాత్ర‌లో జ‌గ‌ప‌తి బాబు న‌టించారు. ఈ రోజు ఆయన లుక్ విడ‌ద‌ల చేశారు. ఈ చిత్రం ఫిబ్ర‌వ‌రి 8న తెలుగు, త‌మిళ‌, మ‌ళ‌యళం భాష‌ల్లో విడుద‌ల చేస్తున్నారు.