Devil Collections: సినిమా బాగుందని ప్రశంసలు.. కలెక్షన్స్ చూస్తే!!

కళ్యాణ్ రామ్ కెరీర్‌లో డెవిల్ సినిమా భారీ బడ్జెట్ చిత్రం. ఈ సినిమాను 45 కోట్ల రూపాయల బడ్జెట్‌తో నిర్మించారు. భారీ బడ్జెట్ సినిమాను విడుదల చేసే సమయంలో సరైన రిలీజ్ డేట్ కూడా ఎంతో ముఖ్యం. డెవిల్ నిర్మాతలు డిసెంబర్ 29ని విడుదల తేదీగా లాక్ చేసారు. ఓ వైపు సలార్ ఎఫెక్ట్‌ ఉండగా.. రాబోయే సంక్రాంతి రిలీజ్ సినిమాలపై అభిమానులు దృష్టి పెట్టారు. ఈ చిత్రానికి మంచి టాక్, సమీక్షలు వచ్చినప్పటికీ, చాలా మంది ప్రేక్షకులు థియేటర్లకు రావడం లేదు. ఈ సినిమాకు ప్రపంచవ్యాప్తంగా మొదటిరోజు కేవలం రూ.4 కోట్ల కలెక్షన్స్ మాత్రమే వచ్చాయి. కళ్యాణ్ రామ్ గత చిత్రాలతో పోలిస్తే ఇది చాలా తక్కువ. బింబిసార సినిమా మొదటిరోజు రూ.11 కోట్లకు పైగా వసూళ్లు సాధించి కళ్యాణ్ రామ్ కెరీర్ లోనే బిగ్గెస్ట్ ఓపెనింగ్స్ తెచ్చిన సినిమాగా రికార్డ్ క్రియేట్ చేసింది. ఆ లెక్కన చూస్తే Devil ఓపెనింగ్ డే కలెక్షన్స్ బాగా తగ్గినట్లే!