మహర్షి నిర్మాతలు సాహసం చేస్తున్నారా..?

మహేష్ బాబు – వంశీ పైడిపల్లి కాంబినేషన్ లో తెరకెక్కుతున్న మహేష్ 25 వ చిత్రం మహర్షి రిలీజ్ డేట్ పై కొంత కుంఫ్యూజన్ నెలకొంది. మొదటి నుండి ఈ సినిమా ఏప్రిల్ మొదటి వారంలో రిలీజ్ అవుతుందని అంతా అనుకున్నారు. కానీ పోస్ట్ పోన్ అయింది. దాని ప్లేస్ లో చైతు మజిలీ సినిమా రాబోతుంది. ఏప్రిల్ 5న మజిలీ సినిమా వస్తుందని అధికారంగా ప్రకటించారు మేకర్స్. మహర్షి ఏప్రిల్ మొదటి వారం నుండి తప్పుకుని ఏప్రిల్ 26న వచ్చే అవకాశముందని వార్తలు వచ్చాయి. అయితే ఇప్పుడు తాజా సమాచారం ప్రకారం ఏప్రిల్ 26 న కూడా ఈ సినిమా రావట్లేదు. ఏప్రిల్ 24 న వస్తుందని చెబుతున్నారు.

సినిమాపై నమ్మకంతో…

సాధారణంగా శుక్రవారం రిలీజ్ చేస్తే శని, ఆదివారాలు వీకెండ్ కావడంతో సెలవులు ఉంటాయి కాబట్టి ఎక్కువ సినిమాలు శుక్రవారం రిలీజ్ చేయడానికి ఇష్టపడుతుంటారు. సినిమా టాక్ ఎలా ఉన్న ఆ మూడు రోజుల్లో కలెక్షన్స్ వస్తాయి అని నిర్మాతల నమ్మకం. అయితే ఇందుకు వ్యతిరేకంగా ఏప్రిల్ 24న బుధవారం మహర్షి సినిమాను విడుదల చేయాలని నిర్ణయించుకున్నారు. మహర్షి నిర్మాతలు సినిమాపై ఉన్న నమ్మకంతో వారం మధ్యలో రిలీజ్ చేస్తున్నారని సమాచారం. మహేష్ సరసన పూజా హెగ్డే నటిస్తున్న ఈ సినిమాను దిల్ రాజు, అశ్వినీదత్, పీవీపీ లు కలిసి నిర్మిస్తున్నారు.