మహేష్ వర్సెస్ ప్రభాస్..!

ఒక స్టార్ హీరో మరో స్టార్ హీరోతో పోటీ పడడం అంటే అది ఎంత రసవత్తరంగా ఉంటుందో తెలిసిన విషయమే. ఇద్దరు స్టార్ హీరోల సినిమాలు ఒకేసారి థియేటర్స్ లోకి వస్తే.. ఆ కిక్ అభిమానులకు బాగా ఉంటుంది. ప్రస్తుతం బాహుబలితో దేశమంతటా అభిమాన గణాన్ని సంపాదించుకున్న ప్రభాస్ తాను నేషనల్ వైడ్ గా చేస్తున్న సాహోని ఆగస్టు 15న వరల్డ్ వైడ్ రిలీజ్ అని ఎప్పుడో అనౌన్స్ చేసాడు. ఇక రాధాకృష్ణతో చేస్తున్న ప్రేమ కథా చిత్రాన్ని 2020 సంక్రాతికి రిలీజ్ అంటున్నారు. మరి చివరకి ఆ డేట్ ఫిక్స్ అయ్యేలానే కనబడుతుంది. అయితే ఇప్పుడు అదే డేట్ కి మరో హీరో కూడా తన సినిమాతో రాబోతున్నాడని న్యూస్ ఫిలింసర్కిల్స్ లో నడుస్తుంది.

మహేష్ కూడా సంక్రాంతికే

టాలీవుడ్ సూపర్ స్టార్ మహేష్ బాబుకి సౌత్ లో ఏ రేంజ్ క్రేజ్ ఉందో చెప్పక్కర్లేదు. మహెష్ ప్రస్తుతం నటిస్తున్న మహర్షి సినిమా మే 9న విడుదలవుతుంటే… మహేష్ – అనిల్ రావిపూడి కాంబోలో మరో సినిమా త్వరలోనే సెట్స్ మీదకి వెళ్లనుంది. అనిల్ సుంకర నిర్మాతగా తెరకెక్కనున్న మహేష్ 26వ మూవీ కామెడీ ఎంటెర్టైనెర్ గా ఉండబోతుంది. ఈ సినిమాని అనిల్ రావిపూడి భారీ బడ్జెట్ తో తెరెక్కస్తున్నాడు. అయితే మహేష్ – అనిల్ రావిపూడి కాంబో మూవీ 2020 సంక్రాంతికి విడుదల చేసే ప్లాన్ లో ఉన్నారట. మరి అప్పుడే సంక్రాతి బరిలో రెండు హేమాహేమీల సినిమాలు దిగుతున్నాయి అంటే.. మిగతా వారు తమ సినిమాలను సంక్రాంతికి విడుదల చెయ్యాలంటే భయపడతారేమో చూద్దాం.