హమ్మయ్య మహేష్ సినిమా ఓకే అయింది!

మహేష్ సరిలేరు నీకెవ్వరూ తరువాత మళ్లీ వంశీ పైడిపల్లి తో వస్తాడు అనుకున్నారు అంత. కానీ మహేష్ దాన్ని నాంచి నాంచి ప‌ర‌శురామ్ చెప్పిన కథతో ముందుకు వెళ్లాలని నిర్ణయించుకున్నాడు. అయితే దీని గురించి ఎక్కడ అధికార ప్రకటన రాలేదు. కానీ ఈ కాంబినేషన్ లో సినిమా దాదాపు కంఫర్మ్ అని వార్తలు వచ్చాయి. అయితే దీని గురించి మహేష్ అండ్ ప‌ర‌శురామ్ ఎక్కడ మాట్లాడ‌లేదు. మ‌రోవైపు క‌థ‌లో మార్పులు జ‌రుగుతున్న‌ట్లు.. సినిమా ఇంకా ఖ‌రారు కాన‌ట్లు గుస‌గుస‌లు వినిపించాయి.అయితే లేటెస్ట్ గా పరశురామ్ ఈసినిమా గురించి క్లారిటీ ఇచ్చాడు.

ఓ ఇంటర్వ్యూ లో పరశురామ్ మహేష్ తో సినిమా చేస్తున్నట్టు చెప్పాడు. మహేష్ నటించిన ఒక్కడు సినిమా చూసి నేను సినిమాల్లోకి రావాలని నిర్ణయించుకున్నట్టు చెప్పాడు. అతనితో పని చేయడం నా అదృష్టం అని చివ‌రికి త‌న క‌ల నెర‌వేర‌బోతోంద‌ని ప‌ర‌శురామ్ అన్నాడు.అద్భుతమైన సబ్జెక్టు తో మీ ముందుకు వస్తున్నాం. ఇది మహేష్ కెరీర్ లో ఒక మైలురాయిలా నిలుస్తుంద‌ని ప‌ర‌శురామ్ ధీమా వ్య‌క్తం చేశాడు.

తను ఎలివేష‌న్ సీన్లు రాయ‌లేక ఏమీ కాద‌ని.. త‌న గ‌త సినిమాల్లో అందుకు పెద్దగా అవ‌కాశం రాలేద‌ని..మహేష్ సినిమాలో అటువంటి వాటికి డోకా లేదని చెప్పాడు. దాంతో మహేష్ ఫ్యాన్స్ సినిమా పై భారీ అంచనాలు పెంచుకున్నారు. ఇక ఈమూవీ స్క్రిప్ట్ దాదాపు కంప్లీట్ అయిందని 14 రీల్స్ ప్ల‌స్ బేన‌ర్ లో వస్తుందని తెలిపాడు.