నేను మానెయ్యలేదు.. తీసేసారు.. అంతా షో మంచి కోసమే

నిన్నగాక మొన్న జీ ఛానల్ లో ప్రసారమైన అదిరింది షో లో యాంకర్ సమీరా ప్లేస్ లో యాంకర్ రవి, భానుశ్రీ లను చూసే సరికి అందరూ సమీరా షో నుండి కావాలనే తప్పుకుంది, పది ఎపిసోడ్స్ అగ్రిమెంట్ పూర్తవడంతో.. సమీరా తప్పుకుంది.. సమీరా తల్లోకాబోవడం వలనే షో నుండి తప్పుకుంది. అందుకే అదిరింది టీం రవిని, భానుశ్రీ ని పట్టుకొచ్చారని అన్నారు. కానీ తాజాగా సమీరా ఫేస్ బుక్ లైవ్ లోకొచ్చి.. తాను అదిరింది షో నుండి తప్పుకోలేదని.. షో మంచి కోసమే టీం నన్ను తప్పించింది అని చెబుతూనే.. ఎందుకు నన్ను మర్చారో తెలియడం లేదు అంటుంది.

అసలు అదిరింది యాజమాన్యం తన్ని తీసేస్తున్నటుగా చెప్పలేదని, కానీ మీడియాలో వార్తలు రావడం చాలామంది ఫోన్స్ చేసి షో నుండి తప్పుకున్నావా అని అడగగా.. క్లారిటీ కోసమే అదిరింది షో నిర్వాహకులకు ఫోన్ చేశా అని.. అప్పుడు వారు షో ని ఇంకాస్త మెరుగుపర్చడానికి కొత్త యాంకర్స్ కోసం ఆలోచిస్తున్నామని చెప్పగా… సమీరా ఓకె అనేసింది. ఇక షో మంచి కోసమే నన్ను వారు తప్పించారని, మరి నాలో నా భాష నచ్చలేదో.. లేదంటే మారేదన్నానో నాకు తెలియదని, కానీ 25 ఎపిసోడ్స్ చేద్దామని చెప్పిన వారు నన్ను పది ఎపిసోడ్స్ కే తప్పించారని అంటుంది సమీరా. సో సమీరా ప్లేస్ లోకి రవి, భానుశ్రీ వచ్చిన.. షో కి పెద్దగా మార్పేమీ కనబడలేదు. ఎప్పటిలాగే అదిరింది షో అదరలేదు.