ఎదురు చూపులు ఫలించాయి.. నందమూరి హీరో సినిమా ఓటీటీలోకి వచ్చేస్తోంది

దివంగత నందమూరి తారక రామారావు పెద్ద కుమారుడైన జయ కృష్ణ బిడ్డ నందమూరి చైతన్య కృష్ణ హీరోగా నటించిన సినిమా బ్రీత్.. కొన్ని నెలల కిందట విడుదలైన ఈ సినిమా థియేటర్లలో ఎలాంటి సందడి చేయలేదు. అయితే చైతన్య కృష్ణ ఇచ్చిన ఇంటర్వ్యూలు.. ఆయన చేసిన కామెంట్ల కారణంగా సోషల్ మీడియాలో బాగా వైరల్ అయ్యారు. ఇప్పుడు బ్రీత్ సినిమా డిజిటల్ ప్రపంచం లోకి అడుగుపెడుతోంది. బ్రీత్ సినిమా డిజిటల్ ప్రీమియర్ కోసం మార్చి 8న ముహూర్తం ఖరారు చేశారు. పాపులర్ తెలుగు OTT ప్లాట్‌ఫారమ్ 'ఆహా' లో బ్రీత్‌ సినిమాను విడుదల చేస్తున్నారు. ఈ సినిమా థియేటర్లలో చూడటం మిస్ అయిన నందమూరి అభిమానులకు ఈ మహిళా దినోత్సవం రోజున స్మాల్ స్క్రీన్‌లపై మరో అవకాశం వచ్చింది. బసవతారకరామ క్రియేషన్స్ బ్యానర్‌పై చైతన్యకృష్ణ తండ్రి జయకృష్ణ నిర్మించగా.. వంశీకృష్ణ ఆకెళ్ల దర్శకత్వం వహించాడు. ఈ చిత్రంలో వైదిక సెంజలియా కథానాయికగా నటించగా, మార్క్ కె రాబిన్ సంగీతం సమకూర్చారు.