నవీన్ పోలిశెట్టి ఆ రూమర్ పై క్లారిటీ ఇచ్చారు!

‘ఏజెంట్ సాయిశ్రీనివాస ఆత్రేయ’ సినిమా ఎంత పెద్ద హిట్ అయిందో చూసాం. ముఖ్యంగా అందులో హీరోగా చేసిన నవీన్ పోలిశెట్టి పేరు బయట మారుమోగిపోతుంది. అతడి కామెడీ టైమింగ్ కి చాలామంది ఫ్యాన్స్ ఉన్నారు. ముఖ్యంగా యూత్ లో ఉన్నారు. అదే క్రేజ్ అతను లేటెస్ట్ గా ‘జాతిరత్నాలు’ అనే సినిమా చేశాడు. లాక్ డౌన్ తరువాత ఈ సినిమా థియేటర్స్ కి రానుంది. ఇది కూడా ఫుల్ కామెడీ ఎంటర్టైనర్ అని చెబుతున్నారు.

ఇక నవీన్ గురించి కొన్ని రోజులు నుండి ఓ ఇంట్రెస్టింగ్ న్యూస్ వినిపిస్తుంది. బాలకృష్ణ – బోయపాటి సినిమాలో ఆయన ఒక ముఖ్యమైన పాత్రను చేయనున్నట్టుగా వార్తలు వస్తున్నాయి. అయితే ఈ విషయంపై నవీన్ స్పందిస్తూ…”బోయపాటి సినిమాకి సంబంధించి ఇంతవరకూ నన్ను ఎవరూ సంప్రదించలేదు. ఈ సినిమాలో నేను చేయనున్నట్టు వస్తున్న వార్తల్లో ఎంతమాత్రం నిజం లేదు. అదంతా కేవలం పుకారు మాత్రమే” అంటూ కొట్టి పారేశాడు.