తమిళ్ హీరో వేధించాడు.. నిత్యా మీనన్ సీరియస్ పోస్ట్..

ఇంతకీ ఆ వార్త ఏంటంటే.. "టాలీవుడ్ సినిమాల్లో నటించినప్పుడు తను ఎటువంటి సమస్యలు ఎదుర్కోలేదని. కానీ తమిళ సినిమాల్లో నటిస్తున్నప్పుడు మాత్రం సమస్యలు ఎదురుకున్నట్లు, ఒక తమిళ్ హీరో తనని వేధించినట్లు" నిత్యా తాజాగా ఇచ్చిన ఓ ఇంటర్వ్యూలో చెప్పుకొచ్చినట్లు రాసుకొచ్చారు. ఇక ఈ వార్త సోషల్ మీడియాలో వైరల్ గా మారింది. నిత్యా మీనన్ తమిళ ఇండస్ట్రీలో.. సూర్య, విజయ్, ధనుష్, రాఘవ లారెన్స్ ఇలా ఆల్మోస్ట్ స్టార్ హీరోలతోనే నటించింది.

దీంతో వీరిలో ఆ హీరో ఎవరని చర్చ మొదలైంది. ఇక ఈ విషయం నిత్యా మీనన్ వరకు చేరుకుంది. వీటిపై నిత్యా మీనన్ రియాక్ట్ అవుతూ.. ఒక సీరియస్ పోస్ట్ వేసింది. ఈ వార్తల్లో ఎటువంటి నిజం లేదని, తను అసలు ఏ ఇంటర్వ్యూ ఇవ్వలేదని చెప్పుకొచ్చింది. ఇలాంటి తప్పు వార్తలు రాయకుండా, కొంచెం భాద్యతగా వ్యవహరించండి అంటూ పేర్కొంది. అలాగే అసలు ఈ రూమర్ ఎవరు స్టార్ట్ చేశారో తెలియజేయాలంటూ కోరింది.

ఇక ఈ పోస్టు తరువాత నిత్యా మీనన్.. 'అసలు నేరస్తుడు దొరికాడు' అంటూ మరో పోస్ట్ వేసింది. మిమ్మల్ని చూస్తుంటే సిగ్గేస్తుంది అంటూ ఆ వెబ్ సైట్ పై సీరియస్ అయ్యింది. ప్రస్తుతం నిత్యా చేసిన పోస్టులు నెట్టింట వైరల్ గా మారాయి. ఇక నిత్యా మీనన్ సినిమాలు విషయానికి వస్తే.. తాజాగా 'కుమారి శ్రీమతి' అనే సినిమాతో ఆడియన్స్ ముందుకు రాబోతుంది. ఈ మూవీ సెప్టెంబర్ 28న డైరెక్ట్ అమెజాన్ ప్రైమ్ లో రిలీజ్ కానుంది. ఇటీవల రిలీజ్ అయిన ట్రైలర్ అందర్నీ ఆకట్టుకుంది.