ఫ్యామిలీతో కలిసి ఎన్టీఆర్ దుబాయ్ పయనం..

ఎప్పటిలాగానే SIIMA అవార్డ్స్ ఈ ఏడాది కూడా దుబాయ్ లో జరగనున్నాయి. ఇక RRR చిత్రం అవార్డుల రేసులో ఉన్న ఎన్టీఆర్.. ఆ అవార్డుల వేడుకలో పాల్గొనేందుకు అక్కడికి వెళ్తున్నాడు. ఆ ఈవెంట్ చూసుకొని కొన్ని రోజులు అక్కడే ఫ్యామిలీ ఎంజాయ్ చేసి మళ్ళీ ఇండియాకి వచ్చి దేవర తదుపరి షెడ్యూల్ లో పాల్గొనున్నాడు. కాగా ఈ ఏడాది అవార్డు రేసులో చాలామంది స్టార్స్ ఉన్నారు. ఇక RRR నుంచే ఎన్టీఆర్ తో పాటు రామ్ చరణ్ కూడా ఉన్నాడు. అలాగే పుష్పకి నేషనల్ అవార్డు అందుకున్న బన్నీ కూడా ఉన్నాడు. మరి ఈసారి SIIMA లో ఎవరు ఏ అవార్డులను ఎవరు సొంతం చేసుకుంటారో చూడాలి.

ఇక దేవర విషయానికి వస్తే.. కళ్యాణ్ రామ్ ఈ సినిమాని ఎక్కడా రాజీపడకుండా ఎంతో ప్రతిష్టాత్మకంగా నిర్మిస్తున్నాడు. ఈ సినిమా VFX అండ్ యాక్షన్ సన్నివేశాలు కోసం హాలీవుడ్ సినిమాలకు పని చేసిన టెక్నీషియన్స్ ని రంగంలోకి దించిన విషయం తెలిసిందే. మూవీలో చాలా పార్ట్ యాక్షన్ సీక్వెన్స్ ఉండనుందట. సినిమాకే ఆ సీక్వెన్స్ హైలైట్ కానున్నాయని సమాచారం. ఎన్టీఆర్ ని ఢీ కొట్టే పాత్రలో బాలీవుడ్ యాక్టర్ సైఫ్ అలీఖాన్ నటిస్తున్నాడు. అలాగే మలయాళ నటుడు షైన్ టామ్‌ చాకో ఒక ముఖ్య పాత్ర చేస్తున్నాడు. జాన్వీ కపూర్ హీరోయిన్ గా చేస్తుంది.